Mbështetën me grante 63 fermere me mbi 2.7 milionë euro

Kush ka thënë se femrat nuk merren me bujqësi? Vitet e fundit femrat kanë nisur ta shohin këtë sektor si të mirë për të hapur biznes.

Madje shumë prej tyre ato janë përkrahur në masë të madhe nga shteti për të hapur dhe zhvilluar biznesnin e tyre. Femrat, sipas statistikave nga Ministria e Bujqësisë, Pylltarisë dhe Zhvillimit Rural, merren me gati secilin sektor, pemët manore, pemët drufrutore, bletari, sektorin e mishit, prodhimin dhe përpunimin e qumështit, prodhimin dhe përpunimin e perimeve dhe turizëm rural.

Ministria e Bujqësisë, Pylltarisë dhe Zhvillimit Rural ka shpallur listat e përfituesve të granteve dhe në 389 prej tyre përfitues janë edhe 63 femra nëpër sektorë të ndryshëm.

Mbështetja totale për projektet e të gjitha këtyre përfituesve është 2 milionë e 7 89 mijë e 606 euro.

Investimet totale të MBPZHR-së për këtë vit në projekte zhvillimore në bujqësi, janë mbi 19 milionë e 300 mijë euro. Nga indikatorët e përgatitur, bazuar në projektet e fermave, do të hapen 1449 vende të reja pune direkte dhe të rregullta.

Nga impakti i këtyre investimeve dhe vendeve të rregullta të punës, do të hapen edhe rreth 1000 vende pune indirekte në sektorë që ndërlidhen me bujqësinë. Në total, numri i vendeve të reja të punës, të rregullta dhe indirekte shkon në rreth 2500. /Telegrafi/