Superylli i PSG-së dhe Francës, Kylian Mbappé i tha një tifozi pas The Best FIFA Awards të hënën se ai do t'i bashkohej Milanit nëse do të transferohej në Serie A.
Reprezentuesi francez ishte në formacionin e ‘FIFA FIFPRO Men's World 11’ të hënën mbrëma dhe pas ceremonisë së mbajtur në Paris, një tifoz i kërkoi të transferohej në Serie A.
Përgjigja erdhi shpejtë, me superyllin francez që pretendonte se do t'i bashkohej Milanit nëse do të kalonte në Serie A një ditë.
Kuqezinjtë dihet se janë skuadra e preferuar e Mbappe në Itali.
Një vit më parë, ai tha për Gazzetta dello Sport: “Lidhja ime me Milanin është e veçantë. Si fëmijë kam pasur një dado italiane dhe kam kaluar shumë kohë me familjen e saj, të gjithë tifozë të Milanit. Kështu, falë tyre, edhe unë bëja tifo për ‘Rosonerët’ dhe pashë shumë ndeshje të Milanit”.
Fotoja e Mbappe-s i veshur me fanellën e kuqezinjve gjatë një interviste si fëmijë është përdorur shpesh nga tifozët e Milanit në rrjetet sociale ndër vite./Telegrafi/
