Pavarësisht se rregullat dhe ligjet e tjera në Bashkimin Evropian (BE), e ndalojnë shitjen e produkteve që kanë vaj palme e sidomos nëse kjo përmbajtje nuk deklarohet në paketim e krahas gjithë kësaj ato shiten si produkte të qumështit. Këto produkte që shiten nëpër makete emërtohen si gjizë, djathë, speca me mazë e produkte të tjera, janë me vaj palme dhe shitja e tyre në këtë formë, e cila është duke vazhduar është një mashtrim i konsumatorëve.
Statistikat e Doganës së Kosovës tregojnë se nga fillimi i këtij viti e deri më 30 shtator janë importuar mbi 2 milionë kilogram vaj palme.
Njohës të fushës dhe mbrojtës të të drejtave të konsumatorëve thonë se këto produkte nuk duhet të shiten si produkte të qumështit, por duhet që ato të shënjohen qartë se janë me përmbajtje të vajit të palmës. E për këtë ata thonë se duhet një angazhim më i madh i Agjencisë së Veterinarisë dhe Ushqimit si dhe institucioneve të tjera.
Drejtuesi i Organizatës “Konsumatori”, Selatin Kaçaniku, ka thënë se nëse përbërja e vajit të palmës në produkte është deklaruar në mënyrë të qartë, konform Ligjit për Mbrojtjen e Konsumatorit, si dhe konform Direktivave të BE-së, e po ashtu edhe nëse në deklaracionin e produktit konsumatori udhëzohet për mënyrën dhe sasinë e gatimit, nuk mund të flitet për mashtrim.
“Por, gjendjen e vështirëson përdorimi i vajit të palmës në masë të madhe dhe qytetari konsumator e ka të pamundur t’i bëj dallimet. Gjatë gjithë kohës me pranin e produkteve me vaji të palmës, konsumatori e ka të pamundur që vet të mbrohet. Prandaj duhet ndihmën, kujdes dhe mbrojtjen nga Agjencionet e Inspekcionet e mbikëqyrjes të tregut me qëllim të mbrojtjes së konsumatorit”, tha Kaçaniku.
Sipas tij, institucionet dhe mekanizmat e tjerë, janë duke hezituar që konsumatorin ta informojnë drejtë dhe në mënyrë të duhur. “Ky hezitim nuk është i pa qëllimshëm dhe qëllimi, për fat të keq, mendoj se është jo i sinqertë dhe jo korrekt”, ka thënë drejtuesi i Organizatës “Konsumatori” Selatin Kaçaniku.
Ramadan Memaj nga Shoqata e Qumështarëve të Kosovës, ka thënë se mashtrimi i konsumatorëve me produkte, të cilat përmbajnë vaj të palmave po vazhdon me intensitet të shtuar sepse importi i vajit të palmës sipas statistikave zyrtare po rritet në vazhdimësi.
“Këtë vit pritet të jetë mbi 3 milionë kilogram. Kjo shifër është alarmante kur dihet se edhe importet e produkteve me përmbajtje vaj palme po rriten vit pas viti. Askush nuk e merr guximin që t’i ndaloj edhe përkundër faktit se Institucionet tashmë i dinë pasojat e këtyre importeve”, tha ai.
Memaj tregon se ekzistojnë rregullore specifike në kuadër të Komisionit Evropian, të cilat qartësisht ndalojnë mundësinë e përzierjes së qumështit me yndyra bimore prapë se prapë institucionet e vendit nuk i marrin parasysh.
“Nuk lejohet përzierja e qumështit me vaj palme në mënyrë që ai produkt përsëri të shitet si produkt i qumështit. Përzierja është mashtrim i rrezikshëm i cili do të len pasoja për të gjithë në vend. Shteti duhet të i ndaloj sa më shpejtë pa asnjë hezitim”, ka thënë Ramadan Memaj nga Shoqata e Qumështarëve të Kosovës.
Ndryshe, sipas statistikave të Doganës së Kosovës, vetëm për nëntë muajt e vitit 2018, importi i vajit të palmës e kalon shifrën prej mbi 2 milionë kilogramë.
“Në përudhën 1 janar – 30 shtator 2018, janë importuar 2,206,652.50 kilogram vaj palme në vlerë prej 1,711,974.90 euro”, ka treguar zëdhënësi i Doganës së Kosovës, Adriatik Stavileci.
Sipas tij, vaji i palmës i cili hyn në Kosovë importohet nga Gjermania, Kroacia, Indonezia, Italia, Malajzia, Holanda dhe Turqia.
Kurse në Agjencinë e Ushqimit dhe të Veterinarisë (AUV), nuk kanë kthyer përgjigje rreth vajit të palmës. /Telegrafi/
Lufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Edhe një ditë ka mbetur nga Panairi më i madh në Kosovë “Horeca”
Modë apo relaks?
Të hyra mbi 500 milionë euro, Dogana shënon rekord të ri
Shijo detin e krejt stinëve në “Holiday In 2”
Projekte të reja për zhvillimin e aftësive do të financohen nga Fondi Rajonal i Sfidave në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën