Shtabi i emergjencës për katër komunat veriore të Kosovës me shumicë serbe, të martën kanë shpallur kufizime të lëvizjes për shkak të situatës pandemike me virusin COVID-19.
Për këtë vendim Lista Serbe ka deklaruar se është në përputhje të plotë me vendimet e gjitha masave epidemiologjike të përcaktuara nga Qeveria serbe e jo me atë të Kosovës.
Mirëpo në lidhje me këtë çështje nga zyra e kryeministrit Avdullah Hoti në një përgjigje për Telegrafin kanë thënë se veprimet që ndërmerren në veri të vendit janë në koordinim të plotë me institucionet e vendit.
Sipas tyre, kjo çështje nuk duhet të politizohet.
“Kjo është një çështje që nuk duhet të politizohet. Veprimet që ndërmerren atje janë të përbashkëta që merren me institucionet e Qeverisë së Republikës së Kosovës”, kanë thënë nga zyra e kryeministrit Avdullah Hoti.
Në përgjigjen e tyre tutje thuhet se janë duke u bërë përpjekje për shpëtimin e jetës së njerëzve në këtë kohë pandemie.
“Janë duke u bërë përpjekje në rend të parë për shpëtimin e jetës së njerëzve, pasi pandemia nuk njeh as përcaktime politike e as etnike. Është një çështje humane që nuk duhet të futen deklarata politike, apo të politizohet”, thuhet në përgjigjen e tyre për Telegrafin.
Ndërsa sa i përket deklaratave të zëvendës kryeministrit Goran Rakiq, nga zyra e kryeministrit thonë se deklaratat e tij kanë dal nga konteksti.
“Sa i përket deklaratave të Goran Rakiqit besojmë që më tepër kanë dal nga konteksti. Ju siguroj që ka bashkëpunim të plotë zëvendëskryeministri me Ministrinë e Shëndetësisë dhe të gjitha institucionet tjera të Kosovë”, thuhet në përgjigjen nga zyra e kryeministrit, Avdullah Hoti.
Ndryshe, pas vendimit për kufizim të lëvizjes në katër komunat veriore të Kosovës, Lista Serbe thotë se serbët vazhdimisht do t’iu përmbahen masave epidemiologjike të përcaktuara nga Qeveria e Serbisë. /Telegrafi/
Lufta Prigozhin - Putin
Më shumëÇështja e shpërndarjes së Kuvendit, Kusari-Lila mohon se ka pasur diskutime mes PDK-së e LVV-së
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
90 milionë euro për rrugën drejt BE-së, ambasadori gjerman: Përkushtim i fortë për integrimin evropian të Kosovës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Ragmi Mustafi konfirmon kandidaturën për kryetar të Bujanocit, bënë thirrje për mobilizim masiv
Rinia Demokratike aksion para Qeverisë, simbolizojnë ikjen e profesionistëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës