Marco Reus thotë se në kohën e lirë e preferon t’i shikojë ligat tjera sesa Bundesligën

Marco Reus pranon se preferon të shikojë Ligën Premier ose La Ligan sesa Bundesligën.

Sulmuesi 33-vjeçar, i cili ka bërë mbi 300 paraqitje në Bundesligë për klubin e fëmijërisë Borussia Dortmund, e njeh ligën gjermane më shumë se shumica.

Gjithashtu duke kaluar 10 vjet në Westfalenstadion me Dortmundin e tij të dashur – një skuadër që ai tani është kapiten – Reus shijoi një periudhë trevjeçare me Borussia Monchengladbach midis 2009 dhe 2012.

Lexo po ashtu Një kapiten shembull si Marco Reus: Bëri tre asistime ndaj Gladbach, por nuk e ekzekutoi penalltinë për të kompletuar het-trickun

Në vitet e shkuara, Reus ka refuzuar lëvizjet e mëdha parash për të qëndruar me ‘BVB’ në Bundesligë.

Por, në një intervistë të fundit me The OMR Podcast, sulmuesi me përvojë pranoi se ai preferon të shikojë liga të tjera në vend të ligës së Gjermanisë.

“Sinqerisht, unë preferoj të shikoj Ligën Premier ose La Ligan”, deklaroi ai. “Ashtu si kur Barça luan kundër Realit (Madrid). Unë di pak për Ligën Premier. Është një lojë e veçantë kur City luan me United”.

Lexo po ashtu Ka refuzuar klube si Barca, Unitedi e PSG – Reus nuk pendohet: Unë e kam vendin këtu, Dortmundi është klubi im

Reus foli edhe për situatën aktuale të Borussia Dortmundit kur bëhet fjalë për transferimet.

“Është gjithmonë turp të shohësh se ne nënshkruajmë me lojtarë të rinj tepër të mirë, të cilët fatkeqësisht kanë ëndërr të zhvillohen diku tjetër pas dy ose tre vjetësh”, shtoi gjermani për The OMR Podcast.

Lexo po ashtu Reus këmbëngul: Kurrë nuk do të luaj për Bayernin

“Nëse do të kishim qenë në gjendje të ruanim lojtarët që kishim, do të kishim bërë bujë në Evropë”.

Shumë lojtarë kanë shkëmbyer Borussia Dortmundin me rivalët e tyre Bayern Munich në vitet e kaluara, por Reus thotë se ai kurrë nuk do t’i bashkohej kampionëve në fuqi të Bundesligës. /Telegrafi/