Mbrojtësi brazilian, Marcelo duket gjithnjë e më larg Real Madridit.
Por kampionët në fuqi të Evropës kanë gjetur tanimë zëvendësuesin e Marcelos.
Fjala është për një tjetër brazilian, Alex Telles që po shkëlqen me Porton në dy vitet e fundit.
25-vjeçari është përcjellë rregullisht në ndeshjet e fundit nga krerët e klubit mbretëror dhe duket se janë bindur për transferimin e tij.
Alex Telles. (Photo by David Ramos/Getty Images)
Sipas asaj që ka shkruar Record, Reali është gati të paguajë 45 milionë euro për transferimin e Tellesit në Santiago Bernabeu.
Telles këtë edicion ka luajtur në 12 ndeshje, të gjitha titullar duke shënuar një gol e duke asistuar në tre të tjerë për Porton.
Los Blancos do të tentojnë transferimin e lojtarit gjatë afatit kalimtar të janarit.
Në anën tjetër, mbrojtësi aktual i majtë i Realit, Marcelo pritet t’i bashkohet Juventusit.
Telles është një ish-lojtar i Interit dhe Galatasarayt, ndërsa ka kontratë me Porton deri në qershor të vitit 2021. /Telegrafi/
