Maradona: Napoli për titull, dashuria e napolitanëve ndaj meje është trashëguar edhe te fëmijët

Diego Armando Maradona ka konfirmuar se është në bisedime për të punuar me Napolin përsëri, teksa ka mbetur i befasuar nga dashuria e paprekur e tifozëve napolitan edhe pas 30 vjetësh.

Legjenda argjentinase dhe e Napolit është këto ditë në qytetin italian, pasi ka diskutuar me presidentin e klubit rreth kthimit të tij në klub, teksa ka treguar që sa herë që kthehet në Napoli, ai habitet çdo herë nga dashuria e madhe e napolitanëve, për të cilën thotë se është e njëjtë si para 30 vitesh.

Lexo po ashtu Dikur ishin futbollistë të mëdhenj, por u bënë trajner të ‘tmerrshëm’ (Video)

“Unë jam i habitur çdo herë. Fola me miqtë e mi dhe thanë se ka fëmijë këtu të cilët kurrë nuk më kanë parë me topin në këmbë, por ata janë duke vajtuar me lot për të bërë një fotografi me mua”, ka thënë Maradona për Sky Sport Italia.

“Kjo më prek mua, afeksioni dhe dashuria e napolitanëve për mua është e kaluar nga babai tek i biri. Pas 30 vjetësh dashuria mbetet e paprekur, ashtu siç ishte dita e parë kam ardhur”, përcjell Telegrafi.

Lexo po ashtu Maradona nuk ndalet, sulmon prapë Icardin

“Unë ndihem i gëzuar çdo herë që kthehem këtu. Kur sheh njerëzit duke qeshur, ju besoni se ata mund të fitojnë një tjetër Scudetto, t’i shikoni fytyrat e tyre është e mrekullueshme”.

“Është vetëm hapi i parë drejt kthimin te Napoli. Ne diskutuam disa nga çështjet që kam në Itali dhe më pas unë do të dua të punojë për Napolin në botë”, përfundoi legjenda e Argjentinës dhe Napolit. /Telegrafi/