“Maradona kishte një shans të mirë për të mbijetuar”, zbulohen detaje të shumta në hetimin rreth vdekjes së legjendës së futbollit

Një hetim ka gjetur se legjenda e futbollit, Diego Armando Maradona do të kishte ‘një shans më të mirë për të mbijetuar’ nëse ai do të kishte marrë kujdesin e duhur mjekësor dhe nuk do të lihej në “agoni” për të paktën 12 orë para vdekjes së tij.

Legjenda e Argjentinës sapo kishte dalë nga spitali kur vdiq në shtëpinë e tij nga një sulm në zemër në muajin nëntor, në moshën 60-vjeçare.

Në muajt pas vdekjes së tij, anëtarët e familjes së tij dhe miqtë e tij të ngushtë u ankuan se trajtimi mjekësor që ai mori ishte i papërshtatshëm për dikë me një shëndet kaq të dobët dhe se ai duhej të kishte qëndruar në spital më gjatë.

Lexo po ashtu Dymbëdhjetë historitë që përcaktuan sportin më 2020 – Nga vdekja e Bryant dhe Maradonas, deri tek ndalimi i sportit dhe shpallja e Liverpoolit kampion

Tani rezultatet e një hetimi janë botuar, duke gjetur se Maradona “do të kishte një shans më të mirë për të mbijetuar” po të kishte marrë “kujdesin e duhur mjekësor”.

Përkundrazi, kujdesi që ai mori ishte “i papërshtatshëm, i paplotë dhe i pamatur”.

Maradona morreu "abandonado à própria sorte" por equipe de saúde, diz relatório de junta médica https://t.co/sWBeEbIEhL

Investigados podem pegar até 15 anos de cadeia pic.twitter.com/dmcEIYpfQY

— ge (@geglobo) May 1, 2021

Vendimi zbuloi se mjekët personalë ishin “qartë të vetëdijshëm se gjendja mund të bëhej fatale”, por ishin “indiferentë ndaj situatës dhe nuk e ndryshuan qasjen e tyre. Ata në thelb braktisën shëndetin e pacientit të tyre në një rast të pastër”.

Mjekët kishin këmbëngulur që Maradona kërkoi të lirohej nga spitali dhe të kthehej në shtëpinë e tij në Tigres.

Lexo po ashtu 'Videoja e fundit' e Diego Maradonas para vdekjes së tij

Sidoqoftë, hetimi vendosi që Maradona “nuk ishte në kontroll të plotë të aftësive të tij mendore” në atë kohë dhe për këtë arsye “nuk ishte në gjendje të merrte vendime në lidhje me shëndetin dhe kujdesin e tij”.

🔎MARADONA | Diego fue "abandonado a su suerte" por su equipo de salud

El legendario futbolista recibió un tratamiento "inadecuado, deficiente y temerario", según un informe.

Lee más detalles aquí: https://t.co/LIqJxuXeZD pic.twitter.com/KVzdDkXbez

— Soy 502 (@soy_502) April 30, 2021

Pjesa më tronditëse e vendimit zbuloi se ambulanca nuk u thirr për plot 12 orë pasi Maradona tregoi shenjat e para të dështimit të zemrës.

“Maradona kishte filluar të vdiste të paktën 12 orë para orës 12:30 më 25/11/2020, që do të thotë se ai tashmë po tregonte shenja të qarta të një periudhe agonie të zgjatur, kështu që mund të konkludojmë se pacienti nuk ishte kontrolluar në mënyrë adekuate para orës 12:30 më 25/11/2020”, thuhet në hetimin e bërë për vdekjen e legjendës argjentinase. /Telegrafi/