Maqedoni: Mungon kuadri i IT-së për të zbatuar procedurat për punësime të reja në administratën publike

Agjencia e administratës për zbatimin e kompetencave në punësimin në Administratë publike nuk ka numër optimal të resurseve njerëzore për kryerjen e detyrave të punës në sektorin e IT-së dhe mbështetjes mungon një pjesë e procedurave për zbatimin e ndryshimeve në Bazën e pyetjeve dhe “kontrolli në katër sy”, ka konstatuar Enti Shtetëror për Revizion (ESHR) pas kryerjes së revizionit të IT-së në këtë institucion.

Me revizionin e kryer në harmonizim me mënyrën dhe procedurat për realizimin e kompetencave gjatë punësimit në administratën publike, revizorët shtetërorë kanë konstatuar se duke pasur parasysh se e gjithë procedura kryhet duke përdorur një sistem informacioni në Agjenci nuk ka numër të mjaftueshëm të punonjësve në Sektorin e IT-së dhe mbështetjes.

“Një situatë e tillë shkakton mbingarkesë të punonjësve ekzistues dhe vë në pikëpyetje kryerjen në kohë dhe efikase të detyrave të punës. Nuk është siguruar lokacion dytësor me pajisjet dhe softuerin e nevojshëm të informacionit për mbarëvajtjen e procedurës në rast të ndërprerjes së funksionimit të sistemit të informacionit ku do të vazhdonin veprimet dhe aktivitetet e Agjencisë. Një situatë e tillë mund të shkaktojë ndërprerje në zbatimin e aktiviteteve për publikimin e thirrjes publike, realizimin e provimit dhe testimit të kandidatit”, thuhet në kumtesën e sotme të ESHR-së.

Nga ESHR thonë se lidhur me aplikimin e praktikave më të mira për sigurinë e IT-së dhe sigurinë e të dhënave ato aplikohen në një shkallë më të vogël dhe nuk janë të dokumentuara, pra për këtë nuk ka një politikë apo procedurë të shkruar për zbatimin e tyre.