Manchester United i gatshëm ta zëvendësojë De Gean me sensacionin e Kampionatit Botëror

Sipas raportimeve, Manchester United ka gjetur zëvendësuesin e David de Geas. Spanjolli pritet të qëndrojë në United me një kontratë të re me një ulje të konsiderueshme page, por nëse ai do të jetë portieri i parë i Erik ten Hag sezonin e ardhshëm, mbetet për t’u parë.

Shqetësimet nëse gardiani do të jetë në gjendje të përshtatet ndonjëherë me vizionin e futbollit të Ten Hag janë të përhapura pas një sërë gabimesh që kontribuan në eliminimin e United nga Liga e Evropës nga Sevilla javën e kaluar.

Ten Hag thuhet se do të shikojë një portier të ri këtë verë, i cili mund të nisë në heshtje fillimin e fundit të karrierës së De Geas në Old Trafford.

Lexo po ashtu Manchester United mund ta transferojë Neymarin, por vetëm me një kusht

Sipas gazetës kroate Jutarnji, United dëshiron të nënshkruajë me portierin e Dinamo Zagrebit, Dominik Livakovic në afatin kalimtar të verës.

Një transferim është përshkruar si ‘mjaft i mundshëm’ për shkak të klauzolës së ulët të lirimit të Livakovic, që mendohet të jetë me vlerë vetëm 10 milionë euro.

Raportimi shton se United është gati t’i japë kroatit, i cili bëri përshtypje në Kampionatin Botëror në Katar në Katar, një pagë vjetore prej 1.5 milion euro. /Telegrafi/