Manchester City e ka turpëruar Aston Villën në kuadër të javës së 22-të në Ligën Premier.
Citizens kanë fituar 6-1 në udhëtim te rivali nga liga angleze, duke mos treguar për asnjë moment mëshirë për ta.
Riyad Mahrez e hapi llogarinë e golave në minutën e 18-të, me një asistim të Sergio Agueros.
Aston Villa vs Manchester City (Foto: Justin Setterfield/Getty Images/Guliver)
Anësori algjerian nuk u ndal me kaq, pasi arriti që të shënonte edhe në të 24-në.
Sulmuesi argjentinas më pas u fut në listën e realizatorëve, katër minuta më vonë pas golit të Mahrezit, gjersa asistues ishte Kevin de Bruyne.
Aston Villa vs Manchester City (Foto: Justin Setterfield/Getty Images/Guliver)
Në minutën e 45+1, Gabriel Jesus shënoi golin e katërt, e që detyroi tifozët vendas të largoheshin nga stadiumi.
Pjesa e dytë ishte përsëri në favor të Manchester Cityt, derisa Aguero nuk kishte të ndalur.
Aston Villa vs Manchester City (Foto: Justin Setterfield/Getty Images/Guliver)
Argjentinasi arriti që ta shënonte të dytin personal dhe të pestin për kampioni në fuqi në minutën e 57-të.
Aguero (81’) arriti ta realizonte het-trikun e tij, duke thyer kështu disa rekorde.
Aston Villa arriti në fund ta shënonte golin e nderit me anë të Anwar El-Ghazi nga penalltia në minutën e 90+1.
Pas javës së 22-të, City gjendet në vendin e dytë me 47 pikë, ndërsa në xhiron e 23-të do të kenë punë me Crystal Palacen. /Telegrafi/
