Man City të gatshëm të shpenzojnë 300 milionë euro nëse Guardiola largohet verën e ardhshme

Manchester City do të shpresojë që të rikuperohet nga humbja e mundshme e Pep Guardiolës vitin e ardhshëm duke shpenzuar rreth 300 milionë euro në lojtarë të rinj.

Ka një besim në rritje se Guardiola do të largohet nga klubi pasi t’i skadojë kontrata në fund të këtij sezoni.

Teksa kampioni i Ligës Premier është ende i etur që ta vazhdojnë bashkëpunimin me të, madje i kanë ofruar një kontratë të re dhe po presin për një përgjigje në dhjetor, drejtorët e klubit kanë frikë se ata do të duhet të vazhdojnë pa Guardiolën.

Sipas The Mirror, përfitimet nga suksesi i jashtëzakonshëm i Guardiolës gjatë periudhës së tij tetë vjeçare tek City, i siguron ata që do të kenë një buxhet masiv për ta përforcuar ekipin vitin vijues.

Ata tashmë kanë balancuar situatën ekonomike në klub duke sjellë 140 milionë euro më shumë se sa kanë shpenzuar gjata afateve të fundit.

‘Qytetarët’ janë në një pozitë të mirë financiare sa i përket rregullave të UEFA-s, kryesisht për shkak të marrëveshjeve komerciale dhe disa shitjeve që kanë bërë.

Përveç largimit të mundshëm të Guardiolës, drejtuesit e ‘Qytetarëve’ duhet gjithashtu të përballen edhe me rastin e 115 akuzave për thyerje të rregullave financiare, që në rast se vërtetohen, atëherë City do të dënohet me rënie nga elita ose zbritje të madhe të pikëve.

Klubet tashmë janë në pushim për shkak të pauzës me kombëtare, ndërsa pas rikthimit, Guardiola dhe ekipi i tij do të kenë punë me Brentfordin më datë 15 shtator./Telegrafi/