Man City është ende larg çmimit të kërkuar nga Tottenhami për Kane

Kampioni aktual i Ligës Premier, Manchester City ka si objektiv kryesor të kësaj vere sulmuesin e Tottenham Hotspur, Harry Kane, por transferimi i tij ka hasur në shumë vështirësi, kryesisht shkaku i çmimit të kërkuar.

City ka transferuar tashmë Jack Grealish nga Aston Villa për 100 milionë funte, por Kane është dëshira kryesore e këtij afati kalimtar.

Megjithatë, drejtuesit e klubit nga Etihad kanë hasur në vështirësi për ta transferuar yllin anglez.

Lexo po ashtu Kane i njofton drejtuesit me dëshirën për t’u larguar nga Tottenhami, zemërohet me kryetarin e klubit

City thuhet se do të duhet të përmirësojë ofertën e tyre për Kane me 50 milionë funte shtesë  nëse duan të bindin Tottenhamin për ta shitur atë.

Sipas mediumit The Mirror, kampionët e Ligës Premier nuk kanë bërë asnjë ofertë të përmirësuar që kur oferta e tyre prej 100 milionë funtesh u refuzua.

Lexo po ashtu Sprinti final i afatit kalimtar veror: Gjashtë transferimet e mëdha që mund të ndodhin dhe dy tjera me shumë të panjohura

“Qytetarët” janë të gatshëm të shkojë deri në 120 milionë funte me disa bonuse tjera, por edhe kjo thuhet se nuk do të jetë e mjaftueshme për të nënshkruar me Kane nga Spurs.

Drejtuesit e Spurs janë kategorik në kërkesën e tyre prej 150 milionë funtesh për ta lënë të lirë Kane të largohet. /Telegrafi/