Lyoni shiti një super formacion me yje në dekadën e fundit, nga Benzema te Pjanic e Umtiti

Klubi i njohur francez, Lyon ka qenë njëri nga klubet që ka prodhuar më shumë në dekadën e fundit, pasi ka shituar shumë lojtarë të njohur që më vonë janë bërë yje të mëdha.    

Mbrojtësi Ferland Mendy ishte shitja e fundit e madhe e Lyonit, klubi i cili është bërë viteve të fundit si vend peshkimi për ekipet e mëdha në Evropë.

Lyoni do të fitojë nga Real Madridi 48 milionë plus pesë milionë euro bonuse, shitja e dytë më e shtrenjtë e klubit pas Lacazettes, i shitur te Arsenal për 53 milionë.

Lexo po ashtu Mendy: Jam krenar dhe i nderuar që kam nënshkruar për klubin më të madh në botë

Me Mendyn dhe Lacazettet, klubi francez tashmë ka kompletuar një super-formacion me shitje të mëdha në dekadën e fundit.

Hugo Lloris ishte portieri, i cili kaloi nga Lyonti te Tottenhami për 12.60 milionë euro.

Përveç Mendyt, tre mbrojtësit tjerë të shitur nga Lyoni janë: Diakhaby në Valencia për 15 milionë, Dejan Lovren te Southampton për 10 milionë dhe Samuel Umtiti (te Barcelonë për 25 milionë euro.

Në qendër të mesfushës Lyoni pati gjithashtu lojtar të njohur si Toulalan, i cili kali te Malaga për 11 milionë euro , Miralem Pjanic që i kushtoi Romës vetëm 11 milionë euro dhe Corentin Tolisso për  41.5 milionë te Bayern.

Sulmuesi Lacazette do të shoqërohej nga Ben Arfa, i cili kaloi për 12 milionë te Marseille dhe Benzema për 35 milionë te Real Madridi, ndërsa në sulm mund të jetë edhe Mariano Diaz, i cili u shit për 21.5 milionë te Real Madridi.

Ky formacion me shitje ka kushtuar rreth 280 milionë euro, por mund të duket i lirë për shkak se lojtarët si Lloris, Umtiti, Pjanic apo Benzema, sot do të kushtojë shumë më shumë se kostoja në atë kohë. /Telegrafi/