Lundstram i Rangers mori karton të kuq pas një ndërhyrje shumë të egër ndaj Boyle të Hibernianit

Mesfushori i Rangers, John Lundstram ka marrë një karton të kuq në ndeshjen e pasdites së sotme (e shtunë) pas një ndërhyrje ndaj Martin Boyle të Hibernianit.

Pas tri fitoreve radhazi në tri ndeshjet e para të sezonit 2022/23, Rangers u ndalen me barazim 2-2 në udhëtim te Hibernian.

Klubi më i trofeshëm skocez ishte afër të merrte fitoren, por pranuan gol vetëm në minutat shtesë, pasi ishin me dy lojtarë më pak, pas dy kartonëve të kuq.

Megjithatë, vëmendjen e ka vjedhur kartoni i parë i kuq i ndeshjes i marrë nga mesfushori Lundstram, i cili iu bashkua Rangers verën e kaluar nga Sheffield United dhe shpejt u bë shtylla kryesore në ekipin e Giovanni van Bronckhorst.

Ai me të vërtetë ka dëshmuar të jetë një blerje e shkëlqyer nga skuadra skoceze, edhe pse 28-vjeçari pati një moment për t’u harruar me fanellën blu sot (e shtunë) pasdite.

Anglezit iu dha një karton i kuq direkt për një nga faullet më cinike që mund të shihni ndonjëherë në një mjedis profesional.

Mesfushori goditi brutalisht me shqelm nga mbrapa një lojtar kundërshtar për të ndalur një kundërsulm të Hibernian ndërsa Rangers ishte në epërsi 2-1.

Pas kësaj ndërhyrje, gjyqtari nuk mendoi dy herë dhe e ndëshkoi anglezin me karton të kuq.

Lexo po ashtu Sebastian Rode u gjakos i tëri pas goditjes në kokë nga Lundstram, mesfushori i Frankfurtit tregon qepjet në kokë

Kjo nuk është hera e parë që Lundstram përfundon me karton të kuq shkaku i ndërhyrje të ashpra.

Ai  fundmi njihet edhe për lëndimin në kokë që ia shkaktoi Sebastian Rodes në finalen e Ligës së Evropës ndaj Eintracht Frankfurt. /Telegrafi/

https://youtu.be/dHud7ukV9lk?t=133