Lukaku plotëson ekipin perfekt të Chelseat – a mund të jenë ‘Blutë e Londrës’ rivali kryesor i Man Cityt për titull

Chelsea janë kampion në fuqi i Ligës së Kampionëve, pasi mposhtën Manchester Cityn në finale, ndërsa këtë vit duket se do të jenë rival edhe në Ligën Premier, duke tentuar të rivalizojnë me skuadrën e Pep Guardiolas.

Klubi nga “Stamford Bridge” këtë verë nuk ka marr shumë lojtarë, por është përforcuar në pozitat që ka pasur nevojë.

Romelu Lukaku ka mbërritur sot për 115 milionë euro.

Sa e përmirëson Lukaku ekipin?

Sezonin e kaluar Frank Lampard kishte një sfidë të vërtetë në duart e tij kur u përpoq të përshtaste Kai Havertz dhe Timo Werner në ekipin e tij. Dukej shumë si lojtarë që ishin blerë pa kërkesën e tij të drejtpërdrejtë, megjithatë Tuchel kishte shumë më tepër sukses.

Havertz, golashënuesi i golit fitues në finalen e Ligës së Kampionëve, e gjeti pozitën e tij në një rol pak më larg se qendër-sulmues , duke u përshtatur mirë me Mason Mount, ndërsa Werner ishte pyka e sulmit, që më shumë u vlerësua për vrapimet e shumta, se sa për golat.

Erling Haaland ishte objektivi numër një, por marrëveshja ishte e pamundur, kështu që u mor vendim për ta sjellë Lukakun.

Belgu i jep Chelseat një garanci të golave, një prezencë në sulm i cili mund të mbajë topin dhe të përdorë vrapimet e Werner, që krijon zona të lira.

A ka Chelsea tani dobësi? 

Ardhja e Edouard Mendy si portier në sezonin e kaluar ka zgjidhur një problem të madh për Blutë.

Mesfusha e Chelseat është në maksimumin e tyre dhe është ndoshta zona ku ata kanë avantazhin me konkurrentët e tyre të afërt, Manchester United.

Jorginho, N’Golo Kante dhe Mateo Kovacic kanë formuar një nga treshet më të mira në futbollin evropian, të tre të aftë, ndërsa Kante është një mbinjerëzor nga perspektiva fizike.

Në mbrojtje ndoshta Blutë nuk mund të përballojnë mirë dëmtime e Reece James e Ben Chilwell. Por Tuchel, ka Antonio Rudigerin, i cili tani duket si një mbrojtës qendror i aftë, veçanërisht kur luan përkrah Thiago Silvas.

Përvoja dhe njohuritë e Cesar Azpilicueta janë jetike për skuadrën, që duket e kompletuar mirë edhe në mbrojtje.

A mund të kapet Manchester City?

Ndërsa Chelsea ka bërë një punë të jashtëzakonshme në formimin e skuadrës dhe ka punësuar trajnerin e përsosur, ata mund të përfundojnë duke mos e fituar titullin, por pa fajin e tyre.

Manchester City është pikë referimi. Kampionët në fuqi janë një mal shumë i vështirë për tu lëvizur, por Chelsea do të luftojë.

City pritet të jetë përsëri i fortë pasi ka nënshkruar me Jack Grealish dhe vazhdojnë të bëjnë presion për Harry Kane.

Guardiola është në gjendje t’i shtyjë ekipet e tij drejt fitoreve dhe kur skuadra komponohet vështirë të arrihet.

Manchester United e pa në sezonin e fundit, ashtu si Liverpooli disa vjet më parë, kështu që Chelsea është në gjendje të mirë për të sfiduar, por a do të bëjë sikurse në Ligën e Kampionëve, mbetet të shihet. /Telegrafi/