Lotët e bebes: bimë të cilën çdo femër e dëshiron në shtëpinë e saj!

Kjo bimë kacavjerrëse popullore me emrin latin Pilea Depressa quhet ndryshe Lotët e Foshnjës ose Charlie kacavjerrëse e shndritshme.

Kjo bimë ka nevojë për dritë të drejtpërdrejtë të diellit, por mund të zhvillohet edhe në hije të pjesshme. Nëse është në dritë të drejtpërdrejtë, patjetër duhet ta ujisni së paku tri herë në javë, por nëse është në hije të pjesshme, ujiteni dy herë në javë.

Është jashtëzakonisht dekorative, me dukje romantike dhe e lehtë për mirëmbajtje.

Kjo lule tropikale ka nevojë për lagështi, andaj shpesh afër saj krijoni ajër të lagësht me spërkatës. Meqë është fjala për bimën kacavjerrëse, vareni saksinë në mënyrë që fletët e saj të imta të lëshohen lirshëm poshtë murit.

Mund ta lini edhe mbi orman apo dollap librash – do të jetë pamje shumë e bukur në shtëpinë tuaj. Dheu, në të cilin e keni mbjellë këtë bimë, patjetër duhet të jetë ranor, i lirë dhe alkalin. Kushtoni kujdes që çdo muaj t’i shtoni edhe pak komposto ushqyese apo pleh artificial, sepse Pilea ka nevojë që të kujdeseni për të.

Nëse dëshironi ta shumoni, vetëm pritni degë të vogla dhe futni në ujë. Pas dy javësh do të shihni që kanë lëshuar rrënjë. Ato degëza me rrënjë mbillni në dhé të lagësht dhe ujitni një herë në javë. Nëse në lule shfaqen fletë të thata, hiqni me kujdes me duar. /Telegrafi/