Lojtari i Liverpoolit zbulon se si u frikësua nga një mesazh në Whatsapp nga Jurgen Klopp

Talenti i Liverpoolit, Rhys Williams ka zbuluar se ishte “frikësuar” kur mori një mesazh me tekst nga menaxheri Jurgen Klopp, i cili kërkoi që ta shihte atë.

Williams ka bërë 13 paraqitje këtë sezon me Reds pasi mbrojtësit titullarë apo ‘garda e vjetër’ e ekipit ishte shkatërruar nga dëmtimi.

20-vjeçari shpjegoi se dikur iu kërkua një bisedë e shpejtë nga Klopp – por ishte vetëm për t’i dhënë atij disa këshilla.

Megjithatë, Williams zbuloi se ishte frikësuar nga kjo ftesë e trajnerit gjerman.

Lexo po ashtu Liverpool e ka gjetur zëvendësuesin e Van Dijk në akademinë e klubit, një vit më parë luajti në ligë amatore, ndërsa tani ka dy ndeshje në Ligën e Kampionëve

“Unë ndoshta do të thosha se kapiteni ose ndoshta Virgil van Dijk janë më aktivët në bisedat në grup të WhatsApp”, ka thënë fillimisht Williams për The Mirror.

“Padyshim që Van Dijk nuk ka luajtur shkaku i dëmtimit të tij, kështu që para çdo ndeshje ai po u dëshiron të gjithë djemve fat të mirë dhe gjëra të tilla”.

“Dhe kapiteni Jordan Henderson është ai që gjithmonë përgjigjet i pari”.

“Kishte një mesazh të fundit nga Klopp – ‘a mund të vish të më shohësh të lutem’. Isha i trembur!”.

“Por, ishte thjesht për të diskutuar disa gjëra që unë mund t’i bëja më mirë në ndeshje, kështu që nuk ishte asgjë për t’u shqetësuar. Por unë isha shqetësuar”, përfundoi anglezi i ri.

Debutimi i Williams erdhi në fitoren 2-1 të dhjetorit ndaj Tottenham Hotspur, një lojë në të cilën Joel Matip ishte menduar si partner i Fabinhos, por kjo nuk ndodhi. /Telegrafi/