Liverpooli po monitoron situatën e Camavingas te Reali

Eduardo Camavinga u transferua me bujë të madhe te Real Madridi në verën e vitit të kaluar.

Mesfushori i talentuar francez bëri ëndrrën realitet për të luajtur për Los Blancos, por ai po has në vështirësi për të gjetur vend në formacionin bazë.

Hapësira jo e duhur ka bërë që lojtari të mendojë edhe largimin nga Santiago Bernabeu dhe Liverpooli po e monitoron situatën e tij.

Reprezentuesi francez pëlqehet jashtëzakonisht shumë nga Jurgen Klopp i cili e sheh atë si lojtarin adekuat për The Reds.

Edhe pse mediat e ndryshme në Angli kanë shkruar për interesimin e The Reds, largimi i Camavingas në verë nga Los Blancos duket shumë i vështirë.

Pasi kanë shpenzuar një shumë të madhe për transferimin e tij nga Rennes, në Madrid janë të bindur se shpërthimi i lojtarit me fanellën e tyre është vetëm çështje kohësh.

Gjithsesi Kampioni i shumëfishtë i Anglisë besohet se në verë do ta testoj Realin me një ofertë për 19-vjeçarin francez.

Camavinga këtë edicion për Realin është paraqitur në  21 ndeshje, ku shumica nga to si i inkuadruar nga banka rezervë dhe ka shënuar një gol e ka asistuar në një tjetër. /Telegrafi/