Liverpooli mendon për transferime të mëdha në verë, ka gati tre mesfushorë në listën e blerjeve

Klubi anglez, Liverpooli ka një listë të ngushtë me tre lojtarë, pasi ata kërkojnë të forcojnë mesfushën e tyre këtë verë, pas një sezoni të dështuar deri tani.

Trajneri i Reds, Jurgen Klopp, pritet të sanksionojë një rishikim në departamentin e mesfushës këtë verë me Alex Oxlade-Chamberlain, James Milner dhe Naby Keita që të gjithë kanë gjasa të largohen nga Anfield kur kontratat e tyre të skadojnë në fillim të korrikut.

Me Jordan Henderson dhe Thiago Alcantara, gjithashtu, që nuk bëhen më të rinj – dhe Fabinho që po lufton për formë këtë sezon – kjo do të thotë që fytyra të reja pritet të mbërrijnë në Anfield.

Sipas Neil Jones të Goal.com, Liverpooli ka etiketuar tre emra të mëdhenj për mesfushë dhe ata janë: Mason Mount i Chelseat, Jude Bellingham i Borussia Dortmundit dhe ylli i Wolvehampton Wanderers, Matheus Nunes.

“Reds janë të etur për një numër lojtarësh, duke përfshirë Jude Bellingham të Borussia Dortmund, Mason Mount të Chelsea dhe Matheus Nunes të Wolves”, ka shkruar Jones në profilin e tij.

Liverpooli para disa ditësh u lidh edhe me transferimin e yllit italian të Interit, Nicolo Barella. /Telegrafi/