Liverpooli ishte afër të nënshkruante me Dele Allin, sikurse Gerrardin mos ta zinte gjumi

Dele Alli mund të ishte tani lojtar i Liverpoolit pasi mesfushori anglez para se të nënshkruante me Tottenhamin ishte në bisedime me Reds.

Anglezi zbuloi se kur ishte pjesë e MK Dons kishte biseduar me pesë herë kampionët e Evropës, por heroi i tij, Steven Gerrard, nuk ishte shfaqur në këtë takim pasi e kishte zënë gjumi dhe kjo paska e kishte zbehur interesimin për të kaluar te Liverpooli.

Vlen të theksohet se në atë kohë trajneri i Brendan Rodgers kishte thënë se skuadra e tij ishte shumë afër të nënshkruante me Allin dhe se nuk ishte plotësisht i sigurt pse marrëveshja nuk ishte finalizuar.

“Në kohën kur unë isha te MK Dons u takova me Liverpoolin, pra para se të nënshkruaja me Tottenhamin”, ka thënë Alli, transmeton Telegrafi.

“Besoj se kjo ishte gjashtë muaj para se të filloja bisedimet me Tottenhamin”.

“Shkova për t’u takuar me Reds dhe mendoj se ata e dinin se Steven Gerrard ishte heroi im dhe më thënë se ai do të zbresë poshtë për t’u takuar me mua. Por, kjo nuk ndodhi pasi atë e kishte zënë gjumi”.

“Mendoj se kishte ndeshje të nesërmen dhe e kuptova”, ka thënë Alli.

Në fund Liverpooli dhe MK Donsi kishin pasur disa mos pajtime dhe Alli u fut në bisedime me Spurs, ku më pas edhe nënshkroi me skuadrën nga Londra. /Telegrafi/

https://www.youtube.com/watch?v=udyM259eF4U