Dita e konstituimit, betohen deputetët e Kuvendit të Kosovës

Ka përfunduar seanca konstituive e legjislaturës së tetë të Kuvendit të Kosovës.

Kryetari i ri i Kuvendit të Kosovës, Glauk Konjfuca në fjalimin e tij të parë tha se do të jetë kryetar i të gjithëve, transmeton Telegrafi.

Gjithashtu, sot është betimi i deputetëve, dhe po ashtu janë zgjedhur nënkryetarët.

Nënkryetarët e Kuvendit të Kosovës në legjislaturën e VIII-të janë: nga Lëvizja Vetëvendosje është zgjedhur Saranda Bogujevci, nga Partia Demokratike të Kosovës (PDK) Bedri Hamza dhe nga Lidhja Demokratike e Kosovës është zgjedhur Kujtim Shala.

Deputetët e Kuvendit të Kosovës, me vota për, kundër dhe abstenim votoi Gluak Konjufcën për kryetar të Kuvendit.

Në sallë të pranishëm ishin 113 deputetë. Kundër votuan PDK dhe LDK.

Janë betuar deputetët e Kuvendit të Kosovës. Të pranishëm në seancën konstituive janë 114 deputetë.

Ndryshe, para fillimit të pikës së betimit, nga Komisioni për verifikimin e mandatit të deputetëve tha se në bazë të shqyrtimit të dokumenteve Lëvizja Vetëvendosje ka 58 deputetë, PDK 19 deputetë, LDK 15, AAK 8, Lista serbe 10 dhe komunitetet tjera 10.

Komisioni ka konstatuar vlefshmërinë e mandateve sipas njoftimi të Komisionit Qendror të Zgjedhjeve për certifikimin e zgjedhjeve.

Përshëndetje dhe urime në mes të deputetëve, ‘harrojnë’ rivalitetin politik në fillimin e seancës konstituimit

Është bërë formimi i Komisionit të përkohshëm për verifikimin e kuorumit dhe mandateve të deputetëve.

Kryesues i këtij komisioni do të jetë anëtari i Lëvizjes Vetëvendosje, Adnan Rrustemi, transmeton Telegrafi.

Nga Partia Demokratike e Kosovës do të jetë Ganimete Musliu.

Lidhja Demokratike e Kosovës, Besian Mustafa.

Aleanca për Ardhmërinë e Kosovës, Time Kadrijaj.

Ka nisur të mbahet seanca konstituive, të dalë nga zgjedhjet e parakohshme të mbajtur më 14 shkurt.

Seanca po kryesohet nga deputeti më i vjetër, Avni Dehari dhe deputetja më e re, Grainca.

Brenda pak minutash pritet të fillojë seanca konstituive e legjislaturës së tetë e Kuvendit të Kosovës.

Kjo seancë do të udhëhiqet nga deputeti më i vjetër në moshë, e që në ketë legjislaturë është Avni Dehari nga Lëvizja Vetëvendosje.

Gjithashtu, krahas Deharit do të jetë edhe deputetja më e re e zgjedhur në këtë legjislaturë Adelina Grainca nga Partia Demokratike e Kosovës.

Zëvendës kryeministri në detyrë, Driton Selmanaj, ministri në detyrë i Mbrojtjes, Anton Quni, ministrja e Kulturës, Vlora Dumoshi si dhe ministri në detyrë i Punëve të Brendshme, Agim Veliu kanë kërkuar nga zyra e kryeministrit lirimin nga detyra pasi që sot do të japin betimin për mandatin e deputetit.

Lajmin për Telegrafin e konfirmoi zëdhënësja e Qeverisë së Kosovës Antigona Baxhaku e cila tha se lirimi i tyre është bërë pasi sot do të betohen për mandatin e deputetit në legjislaturën e VIII-të, në Kuvendin e Kosovës.

Ndërkaq, nga detyra janë liruar edhe zëvendës kryeministri në detyrë, Besnik Tahiri si dhe ministri në detyrë i Bujqësisë Besian Mehmeti

Deputetja Vjosa Osmani ka arritur tashmë në Kuvendin e Kosovës.

Seanca konstituive e legjislaturës së tetë është planifikuar të nis në ora 10:00, ndërkohë në sallë kanë filluar të hyjnë deputetët e zgjedhur.

Osmani njëherësh është pretendente për postin e presidentes.

Edhe deputetët e Kuvendit të Kosovës, ata të Partisë Demokratike të Kosovës, Lidhjes Demokratike të Kosovës, Aleancës për Ardhmërinë e Kosovës, si dhe të komuniteteve kanë hyrë në Kuvend.
PDK përfaqësohet me 19 deputetë, LDK me 15, AAK me 8.

Brenda pak minutash pritet të fillojë seanca konstituive e legjislaturës së tetë e Kuvendit të Kosovës.

Kjo seancë do të udhëhiqet nga deputeti më i vjetër në moshë, e që në ketë legjislaturë është Avni Dehari nga Lëvizja Vetëvendosje. Gjithashtu, krahas Deharit do të jetë edhe deputetja më e re e zgjedhur në këtë legjislaturë Adelina Grainca nga Partia Demokratike e Kosovës.

Në Kuvendin e Kosovës tashmë ka shkuar edhe ambasadori amerikan, Philip Kosnett.

Për pak minuta pritet të fillojë seanca konsitutive e legjislaturës së tetë, ndërsa për kryetar të Kuvendit, Vetëvendosje do të propozojë Glauk Konjufcën.

Siç merr vesh Telegrafi, kandidati i LVV-së për kryetar të Kuvendit të Kosovës do të jetë Glauk Konjufca.

Deputetët e Kuvendit të Kosovës të legjislaturës së tetë tashmë kanë filluar të hyjnë në Kuvend.

Kujtim Shala, Bekë Berisha, Saranda Bogujevci, Duda Balje, Agim Veliu dhe të tjerë deputetë tashmë veçse kanë hyrë në Kuvend.

Në Kuvend ka hyrë edhe deputeti nga radhët e Aleancës për Ardhmërinë e Kosovës (AAK), Pal Lekaj.

Edhe Igor Simiq nga Lista Serbe ka arritur në ambientet e Kuvendit.

Deputetja e Levizjes Vetëvendosje, Mimoza Kusari-Lila, e ka filluar ditën me një postim në Facebook, para mbajtjes së seancës konstituive e legjislaturës së tetë, duke thënë se sot shkruhet një faqe e re në historinë e Kosovës.

U.d e presidentes së Kosovës, Vjosa Osmani e ka quajtur ‘ditë të bardhë’, ditën që do të mbahet seanca konstituive e Kuvendit të Kosovës.