Lisi, ylli i ri që shpërtheu në 2024 me projekte: Ky vit do të jetë edhe më i zjarrtë

Në skenën gjithnjë e më të ngjeshur të hip hop-it, ku talentet e reja shfaqen vazhdimisht, Lisi Ukhagjaj, ka shpërthyer në vitin 2024.

Me një zë unik dhe një stil shumë të veçantë, Lisi ka fituar zemrat e shumë fansave falë këngëve të tij që ka sjell për publikun.

Gjatë vitit 2024, Lisi ka sjellë një numër të madh këngësh që kanë marrë vëmendjen e publikut.

‘Rooftop’, ‘Kce kce’, ‘Panorama’ dhe ‘Boy’ në bashkëpunim me Lumi B ishin këngët që Lisi solli gjatë këtij viti.

Çdo projekt i tij vjen me një energji të freskët dhe një mesazh të fuqishëm, duke e pozicionuar atë si një prej artistëve më premtues të gjeneratës së re.

Këngët e tij, shpesh të karakterizuara nga tekste të thelluara dhe ritme tërheqëse, kanë arritur të ngjiten lart në listat e dëgjueshmërisë, duke dëshmuar popullaritetin në rritje të Lisit.

Në një intervistë për Telegrafin, Lisi shprehu entuziazmin e tij për pritjet pozitive që kanë pasur këngët e tij.

Lexo po ashtu Të gjitha lajmet nga Lisi Ukhagjaj

“Jam shumë i lumtur me mënyrën se si janë pritur projektet e mia. Mbështetja nga fansat ka qenë e jashtëzakonshme dhe më motivon të sjell akoma më shumë këngë të mira”, tha Lisi për Telegrafin.

View this post on Instagram

A post shared by L I S I (@lisiukh)

Një moment i rëndësishëm në karrierën e tij këtë vit ka qenë bashkëpunimi me reperin e njohur Lumi B.

Lisi e përshkroi këtë bashkëpunim si një përvojë të jashtëzakonshme që jo vetëm i hapi mundësi të reja, por edhe e ndihmoi të zhvillohej artistikisht.

Lexo po ashtu Të gjitha lajmet nga Estrada Shqiptare

“Të punoja me Lumi B ishte një ëndërr e realizuar. Ai është një artist i cili ka ndikuar shumë në muzikën time dhe jam mirënjohës për mundësinë që pata të krijojmë diçka së bashku,” shtoi ai.

Lisi është në kompaninë SBS Entertainment, ku kënga “Boy” me Lumi B ishte edhe në albumin e producentit Çelik Lipa.

View this post on Instagram

A post shared by L I S I (@lisiukh)

Ndërsa shikon përpara drejt vitit 2025, Lisi është i vendosur të vazhdojë të rritet artistikisht dhe të sjellë muzikë që jo vetëm argëton, por edhe frymëzon.

“Viti i ardhshëm do të jetë edhe më i zjarrtë. Kam shumë projekte në proces dhe jam gati të eksploroj. Përkushtimi im është të sjell muzikë që prek zemrat e njerëzve dhe t’i jap diçka të re çdo dëgjuesi”, deklaroi ai.

View this post on Instagram

A post shared by L I S I (@lisiukh)

Lisi në fund të vitit së bashku me Lumi B ka përformuar edhe në Prizren dhe Podujevë, ku fansat e pritën mjaftë mirë.

Ndërsa fansat presin me padurim projektet e reja të Lisit, ai është i vendosur të vazhdojë të rritet artistikisht dhe të sjellë muzikë që jo vetëm argëton, por edhe frymëzon.

Me pasionin dhe përkushtimin që ka shfaqur deri tani, 2025 duket të jetë një vit i jashtëzakonshëm për këtë yll të ri të hip hop-it. /Telegrafi/

View this post on Instagram

A post shared by L I S I (@lisiukh)