Lionel Messi do të marrë mbrojtje speciale ndaj gjyqtarëve te Inter Miami

Kalimi i Lionel Messit në Inter Miami mund të bëjë që MLS të caktojë gjyqtarë më me përvojë për të siguruar mbrojtjen e tij në fushë, sipas një zyrtari të Organizatës së Arbitrave Profesionistë.

Ndërsa superylli argjentinas do të prezantohet nga ekipi i Konferencës Lindore, prania e tij pritet të rrisë apelin global të ligës dhe të rrisë nivelin e konkurrencës.

Megjithatë, përvoja nga koha e David Beckham në MLS, ku ai u përball me sfida fizike nga kundërshtarët, theksojnë nevojën për të mbrojtur Messin nga përballje të ngjashme.

Lexo po ashtu Jo vetëm Messi, Busquets dhe Alba: Presidenti i Inter Miamit konfirmon se ata mund të nënshkruajnë edhe me një legjendë tjetër të Barcelonës

Nuk ka dyshim se fama e Beckham e bëri atë të bëhet një objektiv në fushë për rivalët e tij të rinj, diçka që mund t’i ndodhë Messit me Inter Miami.

Alan Kelly, një ish-arbitër i MLS-së, sugjeron që një zyrtar me përvojë duhet të mbikëqyrë debutimin e argjentinasit për të siguruar një mjedis të drejtë dhe të sigurt.

“Procesi i caktimit të arbitrit nuk është i lehtë”, ka bërë të ditur Kelly për Athletic.

Lexo po ashtu Rregullat e MLS-së i japin goditjen e parë Lionel Messit

“Ajo që ne përpiqemi dhe bëjmë është t’i japim çdo klubi atë arbitr të klasit botëror. Në mënyrë të pashmangshme, i njëjti klub do të marrë gjithashtu gjyqtarin e vitit të parë ose të dytë”.

“Shikoni, në atë ndeshjen e parë? Padyshim që mund të ketë një gjyqtar më me përvojë në të parën lojë”, ka shtuar më tej ai. /Telegrafi/