Linda Halimi: Feja islame ma lejoi martesën me një njeri me ngjyrë, por njerëzit në Kosovë më kërcënonin dhe përndiqnin me makinë

Në një rrëfim të rrallë dhe të sinqertë brenda shtëpisë së “Big Brother VIP Kosova”, këngëtarja Linda Halimi ka zbuluar disa nga sfidat më të vështira që ka përballuar në jetën e saj personale.

Gjatë një bisede me banorët e tjerë, Linda tregoi për periudhën e vështirë që kaloi pasi u martua me reperin afro-amerikan Big D, duke u bërë kështu njëra ndër gratë shqiptare të para që hapi këtë rrugë.

Linda u shpreh se feja islame lejon martesën me një të huaj dhe me ngjyrë, por realiteti në Kosovë, ku mentaliteti ende mbetet i prapambetur, u tregua ndryshe.

Lexo po ashtu Blerando dhe Blero flasin për Lindën në BBVK: Me gjasë nuk është duke ja futur askush

Ajo zbuloi se ka përjetuar kërcënime dhe ofendime të shumta për shkak të zgjedhjes së saj për partner jetësor. Situata arriti në një pikë kulmore kur një herë, pas një koncerti të mbajtur me bashkëshortin e saj Big D në Kosovë, persona të panjohur i thyen xhamat e makinës së çiftit.

Këto ngjarje kanë lënë gjurmë në jetën e Lindës, e cila në vitin 2010 u njoh me afro-amerikanin gjatë kohës që ai jetonte dhe punonte në kampin Bondsteel në Ferizaj, dhe më pas, pas dy vitesh u larguan për në Shtetet e Bashkuara të Amerikës.

Rrëfimi i saj është cilësuar nga banorët e tjerë si një dëshmi e guximit dhe e qëndrueshmërisë për të jetuar jetën sipas zgjedhjeve të saj personale, pavarësisht presioneve dhe pritshmërive të shoqërisë.

Lexo po ashtu Ia përmend vajzën, Linda acarohet dhe 'shpërthen' me ofendime ndaj Ganiut: Rrugaç, patriarkal, i palarë e pijanec - mos ma përmend çikën

Banorët dhe ndjekësit e “Big Brother VIP Kosova” kanë shprehur mbështetje dhe solidaritet ndaj Lindës, duke vlerësuar kurajën e saj për të folur hapur për këto çështje delikate. /Telegrafi/