Një foshnje e porsalindur është shpëtuar në Kinë, pasi nëna e saj e kishte hedhur në shportën e mbeturinave në rrugë.
Gruaja e cila dyshohet se solli në jetë foshnjën në rrugë në Guilin të Kinës, kishte braktisur foshnjën duke e lënë në shportë të mbeturinave në temperatura të ulëta, transmeton Telegrafi.
Foshnja e porsalindur është dërguar me urgjencë në spital për tretman, kurse policia është vënë në kërkim të nënës së saj.
Mjeku kinez Yang Jin'e i cili punon në një klinikë afër ku kishte lindur gruaja foshnjën, ka deklaruar se kishte parë një grua duke hedhur në shportë të mbeturinave foshnjën.
Ai pranoi se nuk kishte arritur t'ia sheh fytyrën kësaj gruaje, pasi ajo ishte kthyer me shpinë.
"Fillimisht mendova se po kryente nevojën fiziologjike, por pas disa sekondave e pashë duke hedhur diçka në shportë të mbeturinave", ka shtuar ai.
Mjeku Yang dhe kolegët e tij menjëherë kishin vrapuar drejt shportës, ku edhe gjetën foshnjën që kishte marrë ngjyrë vjollcë nga i ftohti. Ata menjëherë e futën brenda klinikës duke përdorur një kuti kartoni, kurse pas disa minutave u dërgua në spital. /Telegrafi/
