Lily Allen ka ndezur spekulime se është fejuar sërish, pasi u fotografua me një unazë diamanti gjatë një shëtitje në New York të martën.
Këngëtarja e “Smile”, 35 vjeçare është parë në metropol me të dashurin e saj, aktorin David Harbour, 45 vjeçar, dhe me vajzat e saj: Ethel, tetë vjeçe dhe Marnie, shtatë vjeçe.
Derisa ylli ka vënë poshtë maskën për të pirë një pije të ftohtë, nuk ishte e vështirë të shihej diamanti - të cilën po e mbante në gishtin e unazës.
Lily Allen së bashku me të dashurin dhe dy vajzat (Foto: The Image Direct. com)
Lily, e lindur në Londër, doli me një stil të veçantë për shëtitjen familjare, duke veshur një këmishë të bardhë dhe me një palë xhinse blu.
Duke respektuar rregullat e COVID-19, nëna e dy fëmijëve mbante maskën dhe nuk kishte vënë fare makijazh.
Ndërkohë, ylli i “Stranger Things” gjithashtu u shfaq i thjeshtë në daljen familjare, me një triko hiri të markës ‘Polo’ e me një palë pantallona të zeza.
Lily Allen (Foto: The Image Direct.com)
Paraqitja e tyre vjen pas një sërë postimesh që Lily ka ndarë me familjen nga pushimet e tyre në Kroaci.
Çifti për herë të parë u takuan vitin e kaluar në një teatër në Londër, derisa që nga atëherë lidhja e tyre vetëm se ka lulëzuar.
Artistja angleze ndan vajzat Ethel dhe Marnie me ish-bashkëshortin e saj, Sam Cooper. /Telegrafi/
Lily Allen së bashku me të dashurin dhe dy vajzat (Foto: The Image Direct.com)
