Ligue 1 dënon me gjashtë muaj ndalesë gjyqtarin që ndërhyri dhe e ndëshkoi me të kuq lojtarin e Nantes  

Gjyqtari francez, Tony Chapron, i cili bëri gjiron e botës pas ndërhyrjes në lojtarin e Nantes në Ligue 1 dhe ndëshkimin e tij më pas me karton të kuq është dënuar me një ndalesë prej gjashtë muajve, gjysma e së cilës i është falur dhe do vuaj dënimin për vetëm tre muaj.

Tony Chapron ra në tokë kur këmbët e tij u prekën – me sa duket aksidentalisht – nga Diego Carlos i Nantesit gjatë një ndeshje të ligës franceze muajin e kaluar ndaj Paris Saint-Germain.

Por, Chapron, 45-vjeçar, nuk qëndroi duarkryq dhe reagoi duke ndërhyrë në lojtarin, të cilin pastaj e ndëshkoi për herë të dytë me të verdhin respektivisht me të kuqin.

Lexo po ashtu Mbrojtësi i Nantes e rrëzon aksidentalisht gjyqtarin, ky i fundit e godet me këmbë dhe e ndëshkon me karton të kuq (Video)

Gjyqtarit – i cili u pezullua pas ndeshjes – iu dha dënimi i tij nga një komision disiplinor i ligës franceze të enjten pasdite.

Chapron u dënua me gjashtë muaj ndalesë gjykimi, por dënimi i tij u pezullua në vetëm tre muaj ndalesë efektive.

Francezi ka qenë gjyqtar në kampionatin më të lartë të Francës që nga viti 2004 dhe mori përgjegjësinë për më shumë se 400 ndeshje deri tani – duke përfshirë finalen e Kupës Franceze në vitin 2014.

Lexo po ashtu Suspendohet gjyqtari që e goditi lojtarin e Nantes dhe e ndëshkoi me të kuq pastaj (Foto/Video)

Para incidentit ai kishte njoftuar se ky do të ishte sezoni i tij i fundit si një gjyqtar, por jo gjithçka përfundoi si është më së miri.

Ndryshe, Chapron njihet edhe për disa ‘kapriço’ tjera, ku njëri nga ta është refuzimi për t’i dhënë topin e ndeshjes Zlatan Ibrahimovicit pas një het-triku të shënuar. /Telegrafi/