Liga Premier: Shkëlqen Van Persie

Fillimi i shkëlqyeshëm i vitit 2011 për Robin van Persien po vazhdon, derisa sulmuesi i Arsenalit shënoi dy golat e fitores ndaj Wolves, për të rreshtuar veten në 11-shen më të mirë të javës.

Holandezi shoqërohet në sulm nga Demba Ba i cili ka filluar menjëherë të tregojë veten në Ligën Premier pas transferimit nga Hoffenheim gjatë janarit, duke shënuar dy gola për të ndihmuar West Hamin të rikthehet nga disavantazhi 3-0 ndaj West Bromwich dhe të barazojë në 3-3.

Topçinjtë janë të pranishëm në më të mirët e javës edhe me një lojtar tjetër, mesfushorin Jack Wilshere. Wishere shoqërohet në mesfushë nga ylli i Manchester United, Nani, i cili ndihmoi ekipin e tij të shënojë fitore 2-1 në derbin e qytetit përballë Cityt, dhe nga ylli i Tottenhamit, Niko Kranjcar, i cili shënoi golin e fitores 2-1 të ekipit të tij ndaj Sunderlandit.

Edhe pse nuk mundi të ndalojë golat e Wayne Rooney dhe Nani, Vincent Kompany bëri një paraqitje të shkëlqyeshme në Old Trafford dhe meritoi një vend në 11-shen e javës.

Ndonëse u mposht dy herë nga Van Persie, portieri i Wolves, Wayne Hennessey arriti të bëjë një mori mbrojtjes të tjera në disfatën 2-0 nga Arsenali dhe e gjen veten në formacionin e javës.

Në vazhdim 11-shja më e mirë e vikendit në Ligën Premier:

Portier: Wayne Hennessey (Wolves)

Mbrojtës: Martin Kelly (Liverpool); Vincent Kompany (Manchester City); Chris Samba (Blackburn); Liam Ridgewell (Birmingham)

Mesfushorë: Nani (Manchester United); Jack Wilshere (Arsenal); Graham Dorrans (West Brom); Niko Kranjcar (Tottenham);

Sulmues: Robin van Persie (Arsenal); Demba Ba (West Ham).

Formacioni 4-4-2:

Hennessey

Kelly – Kompany – Samba – Ridgewell

Nani – Wilshere – Dorrans – Kranjcar

Van Persie – Ba

/Telegrafi/