Liam Payne trondit fansat me ndryshimin drastik në fytyrë

Artisti i njohur britanik, Liam Payne tronditi fansat teksa kishte një ndryshim drastik.

Ylli i “One Direction” , 29 vjeç, po mbështeste mikun e tij, Louis Tomlinson në premierën e filmit të tij të ri “All Of They Voices” kur ai befasoi me paraqitjen e tij në tapetin e kuq.

Trendi në rritje të shpejtë midis të famshmëve dhe personaliteteve të mediave sociale është se ata po heqin dhjamin nga pjesa e brendshme e faqes së një personi, duke i dhënë atyre një fytyrë më këndore si rezultat, shkruan DailyMail.

Fansat e shumtë të tij bënë reagime të shumta në rrjetet sociale sapo panë ndryshimin e tij në dukje.

Dr Mo Hamed, i cili drejton klinikën estetike Dr Motox, spekuloi: “Ai duket sikur mund të ketë pasur një mbushës të nofullës për t’i dhënë atij një profil anësor të gdhendur dhe të konturuar”.

“Ky po bëhet një trajtim shumë i popullarizuar në klinikën time, ku burrat po përdorin mbushës të nofullës për të maskulinizuar fytyrën e tyre. Një nofull më e gjerë dhe e gdhendur shoqërohet me tipare më të forta mashkullore”, tha ai në një reagim

Në vitin 2021, Liam zbuloi se kishte fituar peshë pasi kaloi një ‘fazë të egër pije alkoolike dhe pilula’.

Liam kishte treguar se ai u kthye në zakone të këqija edhe gjatë bllokimit nga COVID-19 dhe u bë i varur nga alkooli, gjë që e bëri atë të shtonte peshë.

Pasi vendi doli nga bllokimi, Liam punoi shumë për fizikun e tij, duke u rikthyer në palestër dhe duke ulur konsumimin e alkoolit.

Ai ka punuar shumë në karrierën e tij solo, por dëshmoi se nuk i ka harruar rrënjët e tij teksa mbështeti filmin e ri të ish-anëtarit të “One Direction”, Louis.

Pavarësisht se “One Direction” u nda në vitin 2016, Liam dhe Louis kanë mbajtur një miqësi të ngushtë ndër vite.

Lexo po ashtu Të gjitha lajmet nga Liam Payne

Ndërsa Liam pranoi se nuk ishte shumë i afërt me Louis gjatë kohës që ishte në grup, ai ndau në vitin 2022 se Louis ishte ‘shoku i tij më i mirë tani’.

Por duke ndezur polemika ndërsa bisedonte me Logan Paul në ‘podcast’-in e tij, ai la të kuptohej gjithashtu se muzika e tij solo kishte performuar më mirë se shokët e tij të grupit.

“All Of They Voices”  i Tomlinson del në kinematë në mbarë botën nga 22 marsi. /Telegrafi/