Lëvizja Vetëvendosje tregon për çka është folur në takimin e katërt me LDK-në, të hënën takimi i radhës

Pas përfundimit të takimit ndërmjet grupeve punuese të LDK-së dhe LVV-së, kjo e fundit ka treguar se për çfarë kanë diskutuar dhe kanë rënë dakord dy subjektet politike.

Në një postim në faqen zyrtare në Facebook, LVV ka shkruar se është diskutuar për sigurinë e jashtme dhe të brendshme, për procesin e vetingut, ligjin për shqyrtimin dhe verifikimin e pasurisë së pajustifikueshme, trajtimin e krimeve të luftës dhe krijimin e mekanizmave shtetërorë për dokumentim e arkivim të krimeve të luftës në Kosovë, si dhe krijimin e një organi të posaçëm për hetime me qëllim të dekriminalizimit të institucioneve shtetërore.

Lexo po ashtu Përfundon takimi LDK-LVV, u bisedua për krijimin e Zyrës Shtetërore të Hetimeve

“Diskutimi u zhvillua në një frymë pozitive dhe shumë konstruktive. Për shumicën e çështjeve, u gjet pajtim i përbashkët. Grupet u dakorduan për detajizim edhe të disa çështjeve të tjera që kanë të bëjnë me sistemin e drejtësisë. Takimi i radhës, do të mbahet të hënën, ku do të diskutohet për arsimin dhe shëndetësinë”, thuhet në postimin e LVV-së. /Telegrafi/