Legjenda skoceze paralajmëron Chelsean: Real Madridi mund të ofrojë 180 milionë euro për Palmerin

Cole Palmer doli akademia e Manchester Cityt dhe bëri 41 paraqitje, gjashtë gola dhe dy asistime për ekipin e parë.

Trajneri Pep Guardiola nuk llogariste në mesfushorin ofensivë anglez, ndaj shkoi te Chelsea në verën e vitit 2023 me një dëmshpërblim prej 43 milionë eurosh. Derisa ai tani po shkëlqen në Londër.

Në sezonin 2023/2024 ai u paraqit në 48 ndeshje, në të cilat kishte statistika fantastike prej 27 gola dhe 15 asistime.

Nisur nga fakti se në sezonin aktual ka gjashtë gola dhe pesë asistime në nëntë ndeshje, ai ka vazhduar aty ku e la.

Prandaj, mesfushori legjendar skocez Graeme Souness nuk do të befasohej nëse Reali do të përpiqej të sillte Palmerin.

“City bëri një gabim duke lejuar Cole Palmer të shkojë në Chelsea sezonin e kaluar. Jam i sigurt se ata kanë lojtarë të tjerë me të cilët mund të kishin fituar para”.

“Chelsea pagoi 47 milionë euro për Palmerin, por nëse Reali do të trokasë verën e ardhshme dhe ai do të luajë ende në këtë nivel, nuk do të habitesha nëse ai do të ofronte 180 milionë euro për të”, ka shkruar Souness, i cili fitoi 16 trofe me Liverpoolin në vitet 1970 dhe 1980. /Telegrafi/