Ish-futbollisti i Manchester United, Garry Neville, ka fituar para të mëdha edhe jashtë botës së sportit, kjo falë lëvizjeve të zgjuara në biznes.
Ai u shfaq në emisionin “Dragon’s Den” si një nga investitorët e ftuar, ku disa biznesmenë kanë mundësinë të prezantojnë idetë e tyre të ndryshme të biznesit.
Përveç punës si analist futbolli, Gary, i cili u tërhoq nga futbolli në vitin 2011, ka ndërtuar një perandori të madhe biznesi me vlerë 120 milionë euro, sipas raporteve të Companies House.
Gary renditet si drejtor i 56 kompanive, ku ai ka investime në media, hotele, bare, restorante dhe arsim, por biznesi i tij më mbresëlënës ka qenë në prona.
Futbollisti anglez fillimisht u mor me zhvillimin e pronave në të njëzetat e tij të hershme, dhe tani ka një zinxhir hotelesh dhe shtëpish në qytet, si dhe projekte zhvillimi.
Ndër projektet më të spikatura janë “Stock Exchange Hotel” dhe “Hotel Football”, të cilat kapin vlerën e 35 milionë eurove – gati një e treta e vlerës neto të korporatës së tij.
Neville zotëron 40 për qind të aksioneve në hotelin Stock Exchange, që gjendet afër Piccadilly Gardens, në Mançester, ku së bashku me ish-shokun e skuadrës Ryan Giggs janë bashkëpronar të hotelit luksoz.
Kjo është vetëm një pjesë e projekteve të tij të biznesit, sepse është e vështirë t'i renditësh dhe duket qartë se ish-kapiteni i Djajve të Kuq ka padyshim një prirje të veçantë për biznesin.
Synimi i ish futbollistit është që të arrijë kapital në vlerë 500 milionë euro./Telegrafi/
