Një nga më të mëdhenjtë e të gjitha kohërave të Barcelonës ka vënë në dyshim shitjen e mundshme të Fermin Lopez nga klubi në ditët në vijim.
22-vjeçari është lidhur ngushtë me një transferim të mundshëm te Chelsea këtë javë, ndërsa Newcastle United gjithashtu ka treguar një interes të fortë për të nënshkruar me spanjollin.
Pavarësisht deklaratave të mëparshme të Hansi Flick se dëshironte ta mbante Lopezin në Kataluni, Chelsea tani ka kontaktuar zyrtarisht për një transferim të mundshëm dhe mesfushori po shqyrton një largim.
Chelsea është e gatshme të dyfishojë pagën e tij për të siguruar një transferim në Stamford Bridge, por Barcelona thuhet se ka vendosur një çmim prej 90 milionë eurosh, të cilin vetëm Neëcastle është aktualisht e gatshme ta përmbushë.
Pavarësisht raportimeve nga Katalunia që thonë se Lopez mbetet i etur të qëndrojë te Barcelona, ai ka kërkuar leje për të negociuar me Chelsean, por nuk është e qartë nëse Blutë janë të gatshëm të paguajnë shumën e tij me një çmim prej 50 milionë eurosh që është limiti aktual i tyre.
Tifozët e Barcelonës janë të ndarë në mendime për këtë sagë dhe ish-lojtari i mesfushës së Blaugranave, Sergio Busquets, ka dhënë një paralajmërim për shitjen e një lojtari të La Masias.
“Lojtarët që largohen nga La Masia kanë një vizion të ndryshëm se si është të veshësh stemën, të kalosh nëpër radhët e të rinjve dhe të arrish ëndrrën tënde për të qenë në ekipin e parë”, ka thënë fillimisht Busquets për Mundo Deportivo.
“Në fund të fundit është një vendim individual, ata duhet të kujdesen për të mirën e tyre, të klubit - dhe nëse ai qëndron - atëherë edhe më mirë”.
“Nuk e di 100% nëse një shitje është e nevojshme, nëse ai dëshiron të largohet dhe klubi jep leje, e vetmja gjë që do të bëjmë është ta mbështesim dhe t'i urojmë gjithë të mirat”, përfundoi ish-ylli i Barçës.
Të gjitha palët tani po presin një përditësim nga Lopez, me klubin që dëshiron ta mbajë atë, por edhe injeksioni financiar që ofrohet nëpërmjet një shitjeje është joshës. /Telegrafi/
