Komisioni Qendror i Zgjedhjeve (KQZ) ka nisur publikimin e rezultateve të para nga raundi i balotazhit nëpër komunat e vendit.

Procesi i numërimit po ecën me ritme të shpejta, për shkak se në fletëvotim ndodhen vetëm dy kandidatë për secilën komunë.

Në komunën e Dragashit, pas numërimit të rreth 79% të kutive të votimit, kandidati i LDK-së, Bexhet Xheladini, kryeson bindshëm me 57.85% të votave, ndërsa kandidati i PDK-së, Shaban Shabani, ka marrë 42.15%.

Sipas këtij trendi, Xheladini pritet të sigurojë mandatin e dytë në krye të komunës së Dragashit, duke konfirmuar mbështetjen e qytetarëve për vazhdimësinë e qeverisjes së tij.