Lidhja Demokratike e Kosovës ka anuluar tubimin e fushatës zgjedhore në Drenas, në shenjë të respektit për të rinjtë që humbën jetën mbrëmë në aksidentin në Komoran.
Kështu njoftoi kryetari i LDK-së, Isa Mustafa.
“Sot LDK nuk e mban tubimin e fushatës zgjedhore në Drenas, në shenjë të respektit dhe dhembjes për të rinjtë që tragjikisht humbën jetën mbrëmë në fatkeqësinë e komunikacionit në Komaran. Familjeve të viktimave dhe qytetarëve të Drenasit ju shprehim ngushëllimet më të thella!”, ka shkruar Mustafa në Facebook. /Telegrafi/
