Lautaro ka zhvilluar bisedime me drejtuesit e Barcelonës

Drejtuesit e Barcelonës kanë pasur disa bisedime me sulmuesin argjentinas Lautaro Martinez.

Numri 10 i Interit mbetet objektivi kryesor i katalunasve për repartin ofensivë.

Por problemi më i madh mbetet klauzola e lojtarit e cila është 111 milionë euro.

E përditshmja katalunase Sport ka raportuar se Lautaro ka pasur bisedime me drejtuesit e Barcelonës dhe dy palët kanë tanimë një marrëveshje.

Argjentinasi ka qenë i entuziazmuar për të kaluar në Camp Nou dhe për të qenë partner në sulm së bashku me bashkëkombësin e tij Lionel Messi.

22-vjeçari i ka dhënë fjalën Barcelonës se nëse do të largohej nga Interi do t’i bashkohej vetëm atyre.

Megjithatë problemi tani mbetet mes dy klubeve, për faktin se Barcelona nuk ka mundësi të paguajë klauzolën e tij prej 111 milionë eurove.

Kampioni i La Ligas është gati të sakrifikojë disa lojtarë dhe një shumë të parave për ta bindur Interin ta lënë të lirë Lautaron.

Gjithsesi interesim për lojtarin kanë shfaqur edhe gjigantët anglez si Chelsea, Man Utd, Man City e Arsenal, por edhe Real Madrid e PSG. /Telegrafi/