Largoni njollat në rubinet për 30 minuta me një produkt shtëpiak

Njollat e gëlqerës në rubinet janë të pashmangshme dhe tejet të bezdisshme.

Kjo ndodh për shkak të mineraleve, të tilla si kalciumi dhe magnezi, që gjenden zakonisht në ujë. Kur uji avullon, këto mbeten pas. Ndërsa ato kristalizohen, formohet një shtresë e bardhë kore, e quajtur gëlqere.

Nëse jeni duke u ballafaquar me këto njolla në çezmat tuaja, mund të mendoni se gërvishtja e tyre është e vetmja mundësi.

Megjithatë, kjo mund të shkaktojë dëme në sipërfaqen e çezmave tuaja dhe t’i bëjë ato të duken më keq se më parë.

Për fat të mirë, ekziston një produkt që me siguri e keni në shtëpi që do t’ju ndihmojë në këtë aspekt, bëhet fjalë për uthullën.

Ky përbërës i zakonshëm i kuzhinës është acid, që do ta bëj më të lehtë fshirjen pa pasur nevojë për pastrim të ashpër.

Çfarë duhet të bëni është që të mbushni një tas me uthull dhe të zhysni një leckë në lëng.

Më pas gjithçka që duhet të bëni është të mbështillni leckën rreth rubinetit dhe ta lini të qëndrojë për 30 minuta.

Pasi të kenë kaluar 30 minuta, hiqni leckën dhe përdorni atë për të fshirë njollat në rubinet. /Telegrafi/