Laporta nga prezantimi i Alves: Nuk e përjashtoj mundësinë që Messi dhe Iniesta të rikthehen te Barcelona

Presidenti i Barcelonës, Joan Laporta e ka prezantuar Dani Alvesin para mbi 10,000 tifozëve në “Camp Nou” të mërkurën.

Laporta foli në prezantimin e brazilianit, në stadiumin ku ai bëri emër dhe e ndihmoi klubin për tituj të shumtë.

“Faleminderit që u ktheve ”, i tha Laporta fillimisht Dani Alvesit.

“Do ta bëjmë sërish, Dani. Është një ditë plot emocione që përsëriten që kur erdhët për herë të parë në Barcelonë”.

This is where the fun begins@DaniAlvesD2 pic.twitter.com/xZstBITOTv

— FC Barcelona (@FCBarcelona) November 17, 2021

“ Alves është një njeri i vetë-krijuar , i cili ka luftuar, ka talent dhe ngulit karakterin e tij kudo që shkon”.

“Ai është lojtari me më shumë tituj në histori. Më tha se donte të kthehej dhe të ndihmonte këtë ekip që po formohet”.

“Mbaj mend që herën e parë që ka ardhur këtu më ka thënë se kur ishte i vogël ka bërë 20 km në këmbë ose vrap për të shkuar në shkollë”.

❝Today is a day to be very happy.❞

— President @JoanLaportaFCB on the return of @DaniAlvesD2 pic.twitter.com/jt3fgsbGrI

— FC Barcelona (@FCBarcelona) November 17, 2021

“Ai është një person që i pëlqen të konkurrojë dhe këtë ia transmeton skuadrës”, ka deklaruar Laporta.

Më pas ai ngacmoi fansat me disa lajme emocionuese, duke zbuluar se rikthimi i Andres Iniestas apo Leo Messit , apo edhe të dyve, nuk përjashtohet nga klubi.

“Nuk e përjashtoj”, ka thënë ai për kthimin e Iniestas dhe Messit.

“Kjo ka ndodhur me Danin. Dhe unë dua ta falënderoj atë sepse ai e ka parë situatën e klubit dhe dëshiron të vijë për të ndihmuar”.

💣💥 Bombazo de Laporta sobre la posibilidad de que vuelvan Messi o Iniesta al Barcelona

— Eurosport.es (@Eurosport_ES) November 17, 2021

“E falënderoj edhe për një përpjekje ekonomike. Ne do ta kthejmë këtë situatë, por tani ai e ka bërë këtë përpjekje, duhet vlerësuar”.

“Këta janë njerëz që e kanë bërë këtë klub të madh. Messi dhe Iniesta janë spektakolar , nuk mund ta parashikoj të ardhmen, pasi ata ende luajnë, por ata e kanë bërë klubin të madh”.

✅ Dani Alves
⏳ Lionel Messi
⏳ Andreas Iniesta

Joan Laporta hasn't ruled out resigning Messi and Iniesta 👀 pic.twitter.com/RjpvI5ajhH

— ESPN FC (@ESPNFC) November 17, 2021

“Ne i mbajmë gjithmonë parasysh, edhe pse tani ata kanë kontrata me klubet e tjera dhe ju duhet ta respektoni këtë, por në jetë nuk e dini kurrë”, ka deklaruar Laporta. /Telegrafi/