Lamtumira sa pikëlluese, aq edhe acaruese: Donnarumma u përshëndet me bashkëlojtarë pas ndeshjes me Atalantën

Portieri i Milanit thuhet se u dha lamtumirën shokëve të tij të skuadrës pas fitores 2-0 ndaj Atalantas.

Tuttosport raporton se agjenti Mino Raiola nuk ishte i kënaqur nga oferta e Rossonerëve prej tetë milionë euro në sezon dhe kërkoi dhjetë milionë për portierin italian, të cilit kontrata i skadon më 30 qershor.

Lexo po ashtu Maignan po i kryen testet mjekësore te Milani – por kush është transferimi i ri i Rossonerëve?

Por, gazeta thekson gjithashtu se ai kërkoi një komision që besohet të jetë midis 15 dhe 20 milionë euro për të nënshkruar marrëveshjen e re me klubin italian.

Milani nuk kishte ndërmend të nënshkruante një marrëveshje të tillë, pasi do të thoshte se ata do të blinin përsëri të drejtat e një lojtari që u rrit në ekipin e të rinjve dhe u zhvillua në një titullar në San Siro.

Lexo po ashtu Arrihet marrëveshja mes Milanit dhe Lilles për Mike Maignan

Dhe MilanNews pretendon se Donnarumma tashmë ishte duke u përgatitur të largohej nga klubi para se të mbaronte sezoni, pasi ai përshëndeti shokët e tij të skuadrës, derisa Milani siguroi një vend në Liëgn e Kampionëve për sezonin e ardhshëm.

Portieri rrëfeu se nuk do të rinovonte me Milanin dhe klubi ka vendosur të nënshkruajë me portierin e LOSC Lille, Mike Maignan, i cili ka kryer testet mjekësore këtë mëngjes. /Telegrafi/