Lamborghini lanson ekipin e parë të eSports për gara virtuale

Kompania prodhuese e makinave sportive dhe luksoze Lamborghini sot (e mërkurë) njoftoi ekipin e tij të parë eSports të mbështetur nga fabrika, me tre shoferë që do të konkurrojnë në garat sim.

Gara Sim ose simulimi i garave janë termat kolektivë për softuerin e lojërave të garave që përpiqet të simulojë me saktësi garat me makina, të kompletuara me variabla të botës reale si përdorimi i karburantit, dëmtimi, konsumimi dhe kapja e gomave etj.

Tre pjesëtarët e ri të ekipit të Lamborghini, të cilët do të jenë shoferë për garat virtuale, janë Jordan Sheratt, Gianfranco Giglioli dhe Giorgio Simonini, njoftoi Lamborghini në një deklaratë për shtyp.

Sherratt dhe Giglioli do të garojnë në GT World Challenge Esports Sprint Series Europe; Simonini do t’u bashkohet atyre për Kampionatin Intercontinental GT Challenge Esports Endurance 2022, tha Lamborghini.

Strengthening its commitment to the Esports scene with a factory team, #Lamborghini has unveiled the three sim drivers who will represent the brand during the 2022 season in international sim racing competitions.https://t.co/7eU6vlkGUZ

— Lamborghini Squadra Corse (@LamborghiniSC) April 6, 2022

Tre shoferët do të mbështeten nga i njëjti divizion Squadra Corse që drejton programet e garave të Lamborghini në botën reale. /Telegrafi/