Kylie Jenner merr vëmendje në Javën e Modës në Paris e veshur e tëra në të kuqe

Kylie Jenner dukej sensacionale teksa mori pjesë në shfaqjen e veshjeve të grave të Acne Studios ‘pranverë/verë 2024’ gjatë Javës së Modës në Paris.

26-vjeçarja kishte veshur një fustan të gjatë me ngjyrë të kuqe për eventin.

Kylie dukej e pabesueshme teksa shfaqte linjat e saj të famshme ndërsa përshtati dukjen me taka gjithashtu të kuqe.

Ylli e kombinoi ‘look’-un e saj me një çantë elegante të kuqe dhe mbante një palë syze dielli retro të zeza.

Jenner la flokët e saj të gjata dhe të zeza në një stil të thjesht me balluke dhe të lëshura mbi supe.

Në shfaqje mbërriti edhe Rosalia, e cila dukej e pabesueshme me një fustan të zi prej sateni.

Këngëtarja, 30 vjeçe, tërhoqi vëmendjen me paraqitjen elegante, teksa e kombinoi atë me taka të argjendta dhe veshi flokët e saj në një topuz.

Ylli u shfaq në humor të mirë teksa buzëqeshte dhe u bëri dorë fansave.

Kjo vjen pasi Kylie Jenner u pa pa një unazë diamanti të mbajtur gjatë një daljeje të fundit me të dashurin e saj, Timothee Chalamet, në një video që u shpërnda në llogarinë e Kylie Cosmetics në Instagram të mërkurën në mëngjes.

Jenner u pa me një unazë diamanti në gishtin e saj të martesës të martën në Paris me të dashurin e saj yllin e filmit. Çifti janë në lidhje që nga fillimi i këtij viti.

Sipërmarrësi dhe Chalamet, 27 vjeç, u panë për herë të parë në shoqërinë e njëri-tjetrit gjatë Javës së Modës në Paris, e cila u zhvillua janarin e kaluar.

Lexo po ashtu Kylie Jenner dhe Timothee Chalamet fotografoheh dorë për dore teksa largohen nga festa e ditëlindjes së Rosalias në Paris

Figura e televizionit të realitetit ishte më parë në një lidhje afatgjatë me Travis Scott, me të cilin ndan vajzën e saj Stormi, pesë vjeç dhe djalin Aire, një vjeç.

Ylli i “Dune” ishte i lidhur më parë me individë të ndryshëm, duke përfshirë Eiza Gonzalez dhe Lily-Rose Depp.

Thashethemet për marrëdhënien mes Jenner dhe Chalamet u ngritën për herë të parë prillin e kaluar, kur makina e saj u fotografua në rrugën e shtëpisë së tij.

Më pas, një burim foli për People dhe i tha medias se të dy do të ‘shoqëronin çdo javë’, megjithëse ata shtuan se romanca e çiftit nuk ishte ‘serioze’.

Burimi tha gjithashtu se familja e Jenner ishte ‘e lumtur dhe mbështetëse e Kylie’ dhe se ata donin që ajo të ‘lëvizte’ nga romanca e saj e mëparshme.

Jenner dhe Chalamet bënë paraqitjen e tyre të parë publike si çift gjatë një koncerti të Beyonce që u mbajt në fillim të këtij muaji, ku ata u panë duke shkëmbyer puthje.

Dyshja u panë më pas në shoqërinë e njëri-tjetrit gjatë ngjarjeve të ndryshme publike, duke përfshirë US Open të mbajtur së fundmi 2023.

As personaliteti i rrjeteve sociale dhe as aktori nuk kanë bërë ende asnjë koment publik për marrëdhënien e tyre. /Telegrafi/