Ky është adoleshenti që me një kërcënim të rremë “tmerroi pasagjerët teksa ishin në ajër dhe trazoi një aeroplan ushtarak”

Adoleshentit britanik të arrestuar me dyshimin se ka bërë një kërcënim të rremë me bombë në një aeroplan të EasyJet, të mbushur me pasagjerë, i është ndaluar të largohet nga Spanja pas paraqitjes së tij të parë në gjykatë.

Sipas mediave të huaja, përcjell Telegrafi, 18-vjeçari u dërgua para një gjyqtari në kryeqytetin e Menorcan, Mahon, nga dy oficerë policie të armatosur të martën në mëngjes, në mënyrë që ai të mund t’i dorëzohej një gjyqtari për t’u marrë në pyetje.

@easyJet #a319 G-EZAO intercepted by Spanish Air Force on way to Menorca. passengers not being allowed to leave yet. @BigJetTVLIVE @BBCNews @SkyNews @SkyNewsBreak pic.twitter.com/MTWkQnU39x

— Ian Leslie (@iandrleslie) July 3, 2022

Një grua e identifikuar si nëna e tij priti në hyrje për ta përshëndetur pasi thuhet se kishte fluturuar atje pas arrestimit të tij të dielën.

Adoleshenti i paidentifikuar mendohet se kishte veshur të njëjtat pantallona të shkurtra blu dhe bluzë jeshile me të cilën u arrestua kur fluturimi EZY8303 u ul në Menorca pasi u shoqërua nga një aeroplan ushtarak spanjoll.

Lexo po ashtu Pasagjerët mbetën të habitur kur kuptuan se aeroplani i tyre po shoqërohej nga një aeroplan luftarak – zbulohet arsyeja

Ai u lirua me kusht prej 10,000 eurosh – por u urdhërua të qëndronte në Spanjë dhe të raportohej në gjykatë çdo dy javë si pjesë e kushteve të bashkangjitura.

“Gjyqtari i ka konfiskuar pasaportën, e ka ndaluar të largohet nga Spanja dhe i ka thënë që të paraqitet periodikisht në gjykatë”.

Mësohet se adoleshentit të paidentifikuar i janë dhënë pesë ditë afat për të gjetur paratë që i duhen për të depozituar në gjykatë. /Telegrafi/