Presidenca nuk ka treguar se çfarë vendimi do të marrë presidentja Vjosa Osmani rreth dekretimit të Blerim Isufajt si kryeprokuror i shtetit, pasi Gjykata Kushtetuese e vlerësoi të pasafatshme ankesën e kundërkandidatit të tij, Shqipdon Fazliu.
Avokati i Fazliut thotë se Kushtetuesja nuk ka vlerësuar fare nëse procesi ka qenë i ligjshëm. Derisa njohës të çështjeve të drejtësisë thotë se tani tërë procesi është në dorën e presidentes.
Ka përfunduar edhe një episod i dramës së gjatë të çështjes së kryeprokurorit të shtetit.
Pas mungesës së kryeprokurorit tash e 1 vit e pesë muaj dhe zvarritjes së emërimit të kryeprokurorit të ri, ky proces doli edhe nga sirtarët e Gjykatës Kushtetuese.
Kundërkandidati i Blerim Isufajt, Shqipdon Fazliu më herët i është ishte drejtuar Kushtetueses me pretendimin se “vendimi i Këshilli Prokurorial për përzgjedhjen e Isufajt i kishte shkelur të drejtat dhe liritë e tij të garantuara me Kushtetutë dhe me Konventën Evropiane për të Drejtat e Njeriut”.
Përderisa Gjykata Themelore, Apeli e Supremja patën vendosur që padia ishte e pasafatshme, teksa një ditë më parë këtë e ka konstatuar edhe Kushtetuesja.
Në vendimin e Kushtetueses thuhet se aktgjykimi i Supremes, ndërlidhur me aktvendimin e apelit dhe të Themelores, nuk janë në kundërshtim me “Të drejtën për gjykim të drejtë dhe të paanshëm”
Mirëpo, avokati i Shqipdon Fazliut, Flakron Sylejmani ka thënë për Dukagjinin se nuk kanë koment mbi vendimet e këtij institucioni, veçse nuk ka qenë i lidhur me procesin e përzgjedhjes, por vetëm përshkrim i vendimeve paraprake.
“Pra Gjykata Kushtetuese nuk ka vlerësuar fare nëse procesi i përzgjedhjen ka qenë i ligjshëm, apo i jashtëligjshëm. Ky rast nuk dallon fare nga rastet e mëparshme të cilat i ka drejtuar kjo gjykatë, si në rastin e Laura Pulës dhe Shyqri Sylës, të cilat nuk dallojnë asgjë me rastin tonë dhe janë identike. Mbetet tani në diskrecionin e Presidentit të Republikës së Kosovës që të japë përfundimisht vlerësimin e tij, nëse ky proces ishte i drejtë dhe meritor”, ka thënë Flakron Sylejmani.
Nga ana tjetër, avokati Ardian Bajraktari ka sqaruar rëndësinë e afateve në juridiksion, teksa thotë se presidentja tashmë duhet të merr një vendim.
“Afatet janë alfa dhe omega e proceseve gjyqësore. Ti mund të kesh plotësisht të drejtë por po si respektove afatet atëherë je i humbur. Tashmë nuk ka as edhe një arsye për tu zvarritur tutje çështja e dekretimit ose jo e kryeprokurorit të shtetit. Pra, çështja është ekskluzivisht në dorën e presidentes së shtetit”, ka thënë Bajraktari.
Vetë presidentja Vjosa Osmani pati deklaruar se po pret shterjen e të gjitha rrugëve juridike për të marrë një vendim, teksa të shtunën Presidenca nuk ka pasur një përgjigje rreth asaj se kur do të përmbyllet ky proces.
Përndryshe akterë të pushtetit, e edhe vetë kryeministri kanë lakuar e polemizuar shumë emrin e Blerim Isufajt, të përzgjedhur nga KPK-ja për kryeprokuror, duke deklaruar se Isufajn nuk e duan tre krerët shtetëror në këtë pozitë. /Dukagjini/
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Konkursi për gradimin e policëve, dyshohet për favorizime të familjarëve të eprorëve
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë