Kryeministri i Kosovës, Ramush Haradinaj, ende pret për vizën amerikane, andaj pjesëmarrja e tij në Lutjet e Mëngjesit në Uashington, që do të mbahen në fillim të shkurtit, mbetet e paqartë.
Gjatë nëntorit dhe dhjetorit të vitit të kaluar, janë dërguar ftesat për pjesëmarrje në Lutjet e Mëngjesit në Shtetet e Bashkuara, por Haradinaj ende pret përgjigjen për vizë, kanë thënë për Radion Evropa e Lirë, zyrtarët nga kabineti i tij.
Zëvendësi i tij, Dalibor Jevtiq, po ashtu është ftuar dhe siç ka konfirmuar, ai do të marr pjesë në këtë ngjarje.
Paraprakisht, Haradinaj kishte anuluar edhe vizitën në Iowa të Shteteve të Bashkuara, ku më 11 janar ishte ftuar nga komandanti i gardës nacionale, Timothy E. Orra. Ishte pikërisht mungesa e vizës që ai anuloi vizitën dhe në vend të tij atje udhëtoi zëvendëskryeministri i parë, Behgjet Pacolli.
Disa media në Kosovë e ndërlidhën zvarritjen për t’i lëshuar vizën amerikane kryeministrit Haradinaj me nismën në Prishtinë për shfuqizimin e Ligjit për Gjykatën Speciale për krime lufte, të cilën Shtetet e Bashkuara e kanë kundërshtuar ashpër.
Në fund të dhjetorit, 43 deputetë iniciuan nismën të cilën ia dorëzuar Kryesisë së Kuvendit për shfuqizimin e Ligjit për Gjykatën Speciale për krime lufte, duke e cilësuar atë si një etnike. Kjo gjykatë pritet të gjykojë raste në lidhje me pretendimet për krimet e kryera nga ish-pjesëtarët e Ushtrisë Çlirimtare të Kosovës ndaj komuniteteve joshqiptare gjatë viteve 1998 – 2000. Haradinaj, kishte deklaruar se ai do të respektonte vendimin që do të marrin deputetët e Kuvendit.
Ndërkohë, Kryesia e Kuvendit këtë nismë ia procedoi Qeverisë për të dhënë mendimin brenda një afati prej një muaji. Nisma për shfuqizimin e Ligjit për Gjykatën Speciale mund të rikthehet në Kuvend brenda dy muajve.
Së fundmi, ambasadori amerikan në Prishtinë, Greg Delawie ka deklaruar se deputetët e Kuvendit të Kosovës të cilët e mbështesin këtë nismë si dhe politikanët të cilët qëndrojnë pas saj, pavarësisht se publikisht nuk e pranojnë, do të ballafaqohen me pasoja të ashpra.
Ftesë për pjesëmarrje në Lutjet e Mëngjesit kanë marrë presidenti i Kosovës, Hashim Thaçi, kryetari i Kuvendit, Kadri Veseli. Të dy, posedojnë vizën amerikane, është konfirmuar nga kabinetet e tyre.
Po ashtu, ftesë për pjesëmarrje në Lutjet e Mëngjesit kanë edhe deputetët: Blerta Deliu-Kodra (PDK), Armend Zemaj (LDK), Sllobodan Petroviq (Partia e Pavarur Liberale).
Deputetja Blerta Deliu-Kodra, përndryshe ka qenë një nga iniciueset e nënshkrimit të kërkesës për shfuqizimin e Ligjit për Gjykatën Speciale. E kontaktuar nga Radio Evropa e Lirë, ajo e ka konfirmuar pjesëmarrjen e saj në ngjarjen në Uashington.
Lutjet nacionale të Mëngjesit janë një traditë e vjetër, për më gjatë se gjashtë dekada, sipas të cilës, çdo vit, më 4 shkurt, në lutjet e përbashkëta mblidhen presidenti i Shteteve të Bashkuara të Amerikës, anëtarë të Kongresit, politikanë amerikanë dhe udhëheqës ushtarakë, si dhe mysafirë nga qindra vende të botës.
Kjo traditë e lutjeve nacionale ka nisur që nga koha e presidentit Dwight Eisenhower, më 1952. Senatori i atëhershëm Franck Carlson nga Kanzasi kishte ftuar spontanisht presidentin Eisenhower në Senat për një lutje të përbashkët për suksesin e Qeverisë.
Kështu, ideja fillestare për lutje të përbashkëta të pozitës dhe opozitës për paqe dhe sukses në SHBA, u shtri në organizmin ndërkombëtar të lutjeve të përbashkëta ndërmjet liderëve amerikanë dhe atyre nga vende të shumta nga mbarë bota.
Lutja nacionale e mëngjesit është një manifestim që zgjatë disa ditë dhe tubon rreth 3.500 mysafirë. Aty zhvillohen takime të ndryshme, dreka e darka, por ngjarja kryesore është mëngjesi i të enjtes, kur aty do të flasë edhe presidenti i SHBA-së si dhe njëri nga mysafirët, por që identiteti i tij nuk bëhet publik në këtë fazë. /rel/
Promo
Reklamo këtuLufta Prigozhin - Putin
Më shumëKush është Stane Gashi, "nëna e UÇK-së"
Rasti i 2.1 milionëshit, zëvendësministri Sallahu: 500 mijë euro janë në një bankë në Turqi, po punojmë me autoritetet atje që t’i kthehen Thesarit të Shtetit
Raportet Kosovë-Serbi, Steinbaum: Shkëmbimi i territoreve mund të rikthehet si ide nga administrata Trump
Meta nga burgu: Njerëz të SPAK më kanë sugjeruar të arratisem, s’ka akuzë zyrtare ndaj meje
Fundjavë me temperatura dimërore në Kosovë
Kosova gëzon mbështetjen e Suedisë për anëtarësim në BE dhe NATO
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Më të lexuarat
Platforma ku mund ta shikoni duelin e vitit Jake Paul - Mike Tyson
Cristiano Ronaldo po largohet nga Al Nassr shkaku i garës së FIFA-s
Publikohet lista e plotë me rregullat kontroverse për luftën Mike Tyson - Jake Paul
Trump dëshiron ta mbyllë Departamentin e Arsimit - çfarë do të thotë kjo për edukimin shkollor
Ledri Vula e pranon se ka fjetur me një fanse
John Thune zgjidhet kryetar i Senatit Amerikan - kandidati që donin shqiptaro-amerikanët