LAJMI I FUNDIT:

Kush është Slavko Vincic, gjyqtari i finales së Ligës së Kampionëve që dikur ishte arrestuar në një operacion kundër drogës dhe prostitucionit

Kush është Slavko Vincic, gjyqtari i finales së Ligës së Kampionëve që dikur ishte arrestuar në një operacion kundër drogës dhe prostitucionit

Slloveni Slavko Vincic do të jetë në krye të ndeshjes më të rëndësishme të sezonit në garën e UEFA-s, finalen e Ligës së Kampionëve mes Real Madridit dhe Borussia Dortmundit.

Gjyqtari është caktuar përpara gjyqtarëve të tjerë që aspironin të ishin kryesor të duelit të madh evropian, si holandezi Danny Makkelie, polaku Szymon Marciniak apo anglezi Anthony Taylor.

Gjyqtari, i cili nuk e ka gjykuar kurrë Real Madridin, sjell kujtime të mira për Borussia Dortmundin, pasi drejtoi ndeshjen mes Borussia-Atletico Madrid për ndeshjen e kthimit në çerekfinale.


Borussia Dortmundit i kishte gjykuar një herë në një ndeshje zyrtare, në humbjen 1-2 kundër RB Salzburg në 1/16 e Ligës së Evropës në sezonin 2017/18.

Këtë sezon në Ligën e Kampionëve, slloveni Vincic ka gjykuar ndeshjet Lazio-Atletico (1-1), PSG-Milan (3-0) dhe Napoli-Braga (2-0) në fazën e grupeve, ndërsa në eliminimin direkt ka gjykuar edhe ndeshjen Bayern-Lazio (3-0).

Rasti i drogës dhe i prostitutave

Në mes të pandemisë, në mesin e majit 2020, Vincic shkoi në Suhio Polje, në Bosnje-Hercegovinë, për disa takime private.  Ai ishte i ftuar për të ngrënë në një restaurant të një bujtine. Atje ai shkoi me partnerët e tij.

Kur zbritën dhe zunë një tavolinë, ata ishin në një vend ku kishte shumë njerëz, por që nuk i njihnin. Në mes të darkës, vendi u rrethua nga forcat e sigurisë boshnjake.

Sa Liga të Kampionëve kanë Borussia Dortmundi dhe Real Madridi?
Lexo po ashtu Sa Liga të Kampionëve kanë Borussia Dortmundi dhe Real Madridi?

Të gjithë personat që ndodheshin në atë vend u ndaluan. Më vonë u mësua se ishte një bastisje e lidhur me trafikun e drogës, prostitucionit dhe evazionit fiskal.

Vincic u mor në pyetje, por u lirua menjëherë dhe atë natë ai fjeti në shtëpinë e tij në Maribor.

Nga ajo që ndodhi aty, nuk kishte asnjë pasojë apo gjykim ndaj tij, por ajo që mbetet si shkrim në shumë media, është se një gjyqtar elitar i UEFA-s ishte përfshirë në një operacion policor kundër elementëve mafioz./Telegrafi/ 

Në trend Sport

Më shumë
Ancelotti emëron ekipin e vetëm që mund të fitojë Ligën e Kampionëve këtë sezon

Ancelotti emëron ekipin e vetëm që mund të fitojë Ligën e Kampionëve këtë sezon

Liga e Kampionëve
Gjyqtari legjendar italian, Collina kërkon ndryshimin e rregullit të goditjes së penalltisë

Gjyqtari legjendar italian, Collina kërkon ndryshimin e rregullit të goditjes së penalltisë

Ndërkombëtare
Gjiganti evropian kontaktoi Viniciusin pasi refuzoi kontratën e re me Real Madridin

Gjiganti evropian kontaktoi Viniciusin pasi refuzoi kontratën e re me Real Madridin

Ndërkombëtare
Paul Pogba mund t'i bashkohet klubit të njohur italian

Paul Pogba mund t'i bashkohet klubit të njohur italian

Serie A
Man Utd dhe Chelsea garojnë 'kokë për kokë' për shërbimet e ish-yllit të Man Cityt

Man Utd dhe Chelsea garojnë 'kokë për kokë' për shërbimet e ish-yllit të Man Cityt

Premier League
Wayne Rooney zbulon kundërshtarin më të vështirë me të cilin është përballur gjatë karrierës së tij

Wayne Rooney zbulon kundërshtarin më të vështirë me të cilin është përballur gjatë karrierës së tij

Premier League
Kalo në kategori