Kurti mirëpret rezolutën e PE-së: Më shumë siguri për Kosovën, Serbisë iu kërkua largimi i bazave ushtarake përgjatë kufirit

Kryeministri Albin Kurti ka përshëndetur rezolutën e miratuar sot nga Parlamenti Evropian.

Ai thotë se mes tjerash, u kërkua nga Serbia të largojë bazat paraushtarake afër kufirit me Kosovën.

“E mirëpresim rezolutën e sotme të Parlamentit Evropian. Ndër masat e tjera, Parlamenti Evropian bën thirrje për rritjen e sigurisë për Kosovën dhe i kërkon Serbisë të shmangë çdo përshkallëzim të mëtejshëm, të ndalojë çdo mbështetje për formacionet terroriste dhe të tërheqë të gjitha bazat e saj operative dhe paraushtarake përgjatë kufirit”, ka shkruar Kurti në platformën X.

Edhe Zëvendëskryeministri Besnik Bislimi ka mirëpritur rezolutën e miratuar sot nga Parlamenti Evropian.

Lexo po ashtu Bislimi: Rezoluta e PE-së e dënon sulmin terrorist të Serbisë dhe bën thirrje për masa kufizuese

Bislimi përmes një postimi në platforën X, ka thënë se kjo rezolutë mes tjerash bën thirrje për masa kufizuese ndaj Serbisë.

“Mirëpres rezolutën e miratuar sot nga Parlamenti Evropian, e cili ndër të tjera dënon sulmin terrorist të Serbisë dhe bën thirrje për miratimin e masave kufizuese. Parlamenti Evropian gjithashtu vendos theksin mbi njohjen reciproke si një parim i dialogut e poashtu kërkon një qasje të balancuar në procesin e dialogut”, ka shkruar Bislimi.

Ndryshe, Parlamenti Evropian (PE) ka dënuar ashpër sulmin ndaj policisë në Banjskë të Zveçanit më 24 shtator, duke e quajtur sulm terrorist dhe ka kërkuar përgjegjësi nga Serbia nëse dëshmohet lidhja e drejtpërdrejtë e Beogradit me këtë ngjarje.

Këto janë përfshirë në rezolutën për zhvillimet në dialogun mes Kosovës dhe Serbisë dhe zhvillimeve në veri të Kosovës.

Teksti i kësaj rezolute, u hodh në votim në seancën plenare të 19 tetorit, është përpiluar duke marrë parasysh disa propozime të grupeve politike në PE./Telegrafi/

We welcome today's @Europarl_EN resolution. Among other measures, it calls for the enhancement of security for 🇽🇰 and urges Serbia to avoid any further escalation, halt any support to terrorist formations, and withdraw all its military forward operating bases along the border.

— Albin Kurti (@albinkurti) October 19, 2023