KURRË NUK FLAS ME TË HUAJ

Nga: Tom Waits
Përktheu: Fadil Bajraj

më ndërprej nëse këtë e ke dëgjuar
ndihem sikur të ishim takuar më parë
ndoshta e kam gabim
por sall po i përngjaj
dikujt që e ke dashuruar
sado që kjo ka qenë bukur moti
kujton se për një gjë të tillë do të bie
por unë nuk jam lindur dje
përveç kësaj edhe ashtu kurrë nuk flas me të huaj

nuk jam njeri i keq kur të më njohësh
sall kujtova se këtu s’ka kurrfarë të keqe
hej sall përpiqu t’mos i futësh hundët kudo
loc kush të tha që t’më biesh në qafë
me këso llafe të pikëlluara grash
përveç kësaj edhe ashtu kurrë nuk flas me të huaj

jeta jote është roman i pavlerë
ky qytet është përplot tipash si ti
e ti je duke kërkuar dikë
për ta nxënë vendin e saj
e ti je e pakëndshme ngase ai të ka braktisur
kjo është arsyeja që je duke pirë në këtë bar
mirë de sall karabushët bien në dashuri
me të huaj të përsosur

gjithmonë të duhet një për të njohur një të huaj
mbase jemi pakëz më të mençur tash
dhe qemë buzë pengesës aq herë
sa që nuk vërejmë
se të gjithë jemi të huaj të përkryer
përderisa injorojmë
se të gjithë ia nisim si të huaj
bash para se të zbulojmë
se përnjëmend më s’jemi të huaj