Në Francë, licencat e para të drejtimit u lëshuan në vitin 1899, dhe në Britaninë e Madhe, një leje drejtimi ka qenë e detyrueshme që nga viti 1904. Sidoqoftë, patentë shoferin e parë e mbajti një shofer nga Gjermania.

Nuk ka vozitje pa patentë shoferin, domethënë në disa raste, për fat të keq, ka, por “aventurierë” të tillë luajnë në mënyrë të rrezikshme me ligjin, por edhe me jetën njerëzore, transmeton Telegrafi.

Por kur filluan të gjitha? Përgjigjen për këtë mister e jep muzeu i Mercedes-Benz në Stuttgart.

Dokumenti i parë i tillë u lëshua në 1888 për Karl Benz, i cili, së bashku me Gottlieb Daimler, krijuan perandorinë tani të famshme të automobilave.

Autoritetet në Mannheim i lëshuan atij një leje për të provuar mjetin e tij motorik në rrugë në atë kohë.

Në Francë, licencat e para të drejtimit u shfaqën në vitin 1899, në Britaninë e Madhe një leje drejtimi është e detyrueshme që nga viti 1904, dhe në Shtetet e Bashkuara licencat e para janë lëshuar gjithashtu që nga viti 1904.

Gjermania prezantoi licencat zyrtare të drejtimit në 1909. /Telegrafi/