Kupa e Botës “Katar 2022”: Cilat janë rregullat për gjuajtjet e penalltive?

Të hënën, FIFA prezantoi rregullat që do të përdoren në Kupën e Botës “Katar 2022” në rast të gjuajtjes së penalltive.

Për herë të parë në historinë e futbollit botëror, Kampionati Botëror do të mbahet në vjeshtë dhe jo në verë.

Arsyeja është për të shmangur temperaturat e rrëmbyeshme të shkretëtirës arabe, si dhe për të dhënë pak më shumë kohë pas pandemisë COVID-19 që preku kalendarin sportiv botëror në vitin 2020 dhe një pjesë të vitit 2021.

👀 Ever wanted to know the story behind the famous Tim Krul substitution at the 2014 #FIFAWorldCup?

Hear it from the man himself! 🗣️

— FIFA World Cup (@FIFAWorldCup) November 10, 2022

Rregullat e garës për “Katar 2022”

Pak muaj më parë, FIFA prezantoi rregulloret që do të zbatohen në “Katar 2022” dhe që do të jenë të ngjashme me ato të garave të tjera: në fazën e grupeve do të jepen tre pikë për fitore dhe një në rast barazimi.

Në raundet e eliminimit, në rast barazimi në fund të kohës së rregullt, do të ketë 30 minuta shtesë të ndara në dy pjesë nga 15 minuta secila dhe nëse barazimi vazhdon, do të ketë gjuajtje të penalltive për të vendosur fituesin.

Si do të ekzekutohen penalltitë në “Katar 2022”?

Rregullat e garës thonë se penalltitë do të lejohen vetëm për lojtarët që kanë qenë në fushën e lojës para përfundimit të ndeshjes, pra nuk do të ketë ndërrime pas mbylljes së ndeshjes, me përjashtim të vetëm të portierit, me kusht që ekipi që dëshiron të bëjë ndërrimin ka ende zëvendësime në dispozicion. Përndryshe, portieri duhet të jetë lojtar jashtë fushës, i kualifikuar si portier.

Të dyja skuadrat do të duhet të gjuajnë me të njëjtin numër lojtarësh të disponueshëm, apo për të sqaruar – nëse njëra nga skuadrat e përfundon ndeshjen me më pak se 11 lojtarë, qoftë shkaku i dëmtimit apo përjashtimit, skuadra tjetër do të duhet të eliminojë aq lojtarë sa duhet për të barazuar numrin e lojtarëve të disponueshëm në ekipin kundërshtar.

Në rast se pas 10 goditjeve (pesë për ekip) ndeshja është ende e barabartë, do të ketë ‘penallti fituese’, në të cilin çdo ekip do të ketë nga një goditje në kohë dhe skuadra e parë që do të humb në fund të radhës do të eliminohet.

Asnjë lojtar nuk do të lejohet të gjuajë dy herë derisa pjesa tjetër e bashkëlojtarëve të skuadrës, duke përfshirë portierin, të kenë kryer gjuajtjet e tyre.

FIFA shpjegoi se këto gola nga penalltitë nuk do të llogariten në statistikat e golave ​​të lojtarëve që shënojnë. /Telegrafi/